Валянціна Васілеўна Пражэева
Валянціна Васілеўна Пражэева | |
---|---|
Дата нараджэння | 28 сакавіка 1943 |
Месца нараджэння | |
Дата смерці | 9 красавіка 2023 (80 гадоў) |
Месца смерці | |
Адукацыя | |
Прафесія | лялечнік |
Тэатр | |
Узнагароды |
Валянціна Васілеўна Пражэева (28 сакавіка 1943, Свярдлоўск, СССР — 9 красавіка 2023, Мінск, Беларусь) — беларуская артыстка тэатра лялек. Заслужаны артыст Рэспублікі Крым (2001).
Біяграфія[правіць | правіць зыходнік]
Скончыла ў 1962 годзе Рэспубліканскія курсы пры Міністэрстве культуры Беларусі па спецыяльнасці «рэжысура народных тэатраў». 3 1963 года артыстка Беларускага дзяржаўнага тэатра лялек. На фарміраванне творчай асобы Пражэевай паўплываў Ан. А. Ляляўскі.
Творчасць[правіць | правіць зыходнік]
Разнапланавая артыстка. Прафесійнае валоданне лялькамі розных сістэм, праца ў драматычным плане, выразная моўная характарнасць дазваляюць актрысе ствараць яркія запамінальныя вобразы. Сярод роляў: у спектаклях для дзяцей — Мачаха («Папялушка» Т. Габэ ), тыграня Петрык («Тыграня Петрык» Х. Янушэўскай ), Кібальчыш («Ваенная тайна » паводле А. Гайдара), шчаня Мікі («Блакітнае шчаня » Дз. Урбана ), Баба-Яга («Васіліса Прыгожая» К. Чарняк), Фімушка («Званы-лебедзі» Л. Браўсевіча і І. Карнавухавай ; лаўрэат фестывалю тэатраў лялек Прыбалтыкі і Беларусі, г. Каўнас, Літва, 1971), Баба («Дзед і Жораў» В. Вольскага; лаўрэат фестывалю тэатраў лялек Прыбалтыкі і Беларусі, Мінск, 1974); у спектаклях для дарослых — прынцэса Дысперанда («Чортаў млын» І. Штока), Галатэя («Цудоўная Галатэя» Б. Гадар і С. Дарваша ), Ева («Боская камедыя » Штока), дачка Бабы-Ягі («Да трэціх пеўняў» В. Шукшына), дзяўчына Машка («Ляўша» У. Канстанцінава і Б. Рацэра паводле М. Ляскова), Эльвіра Рэнесанс («Клоп » У. Маякоўскага), фрау Босенгейм («Прыгоды бравага салдата Швейка» паводле Я. Гашака), Шарлота («3 Парыжам скончана!..» паводле п’есы А. Чэхава «Вішнёвы сад») і інш. Дыпломы Міжнародных фестываляў тэатраў лялек.
Зноскі
Літаратура[правіць | правіць зыходнік]
- С. Ф. Юркевіч. Пражэева Валянціна Васілеўна // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
Спасылкі[правіць | правіць зыходнік]
- Валянціна Васілеўна Пражэева на сайце анлайн-энцыклапедыі «Беларусь у асобах і падзеях»
- Нарадзіліся 28 сакавіка
- Нарадзіліся ў 1943 годзе
- Нарадзіліся ў Екацярынбургу
- Памерлі 9 красавіка
- Памерлі ў 2023 годзе
- Памерлі ў Мінску
- Постаці Беларускага дзяржаўнага тэатра лялек
- Заслужаныя артысты Аўтаномнай Рэспублікі Крым
- Асобы
- Вікіпедыя:Артыкулы пра асоб, якія не маюць старонак цёзак па прозвішчы
- Лялечнікі Беларусі