Леанід Аляксеевіч Казыра
Леанід Аляксеевіч Казыра | |
---|---|
Асабістыя звесткі | |
Дата нараджэння | 12 верасня 1949 |
Месца нараджэння | |
Дата смерці | 3 кастрычніка 2021 (72 гады) |
Месца смерці | |
Грамадзянства | |
Альма-матар | |
Месца працы | |
Прафесійная дзейнасць | |
Род дзейнасці | перакладчык |
Мова твораў | беларуская |
Леанід Аляксеевіч Казыра (12 верасня 1949, Негрымава, Навагрудскі раён, Гродзенская вобласць — 3 кастрычніка 2021, Мінск) — беларускі перакладчык.
Біяграфія[правіць | правіць зыходнік]
Нарадзіўся ў сялянскай сям’і. Пасля заканчэння сярэдняй школы (1966) працаваў слесарам-мантажнікам Навагрудскага раённага аб’яднання «Сельгастэхніка». Скончыў перакладчыцкі факультэт Мінскага дзяржаўнага педагагічнага інстытута замежных моў (1972). Працаваў рэферэнтам-перакладчыкам з французскай і англійскай моў у навуковых установах Мінска і Масквы, служыў у Савецкай Арміі (1976—1977), быў перакладчыкам бюро «Загрантэхдапамога» пры Мінскім электратэхнічным заводзе (1977—1978). З красавіка 1978 года — навуковы супрацоўнік Інстытута літаратуры імя Янкі Купалы АН БССР. Сябра СП СССР з 1986 года. У 2000-х гадах быў Ганаровым консулам Швейцарыі ў Рэспубліцы Беларусь.
Дзейнасць[правіць | правіць зыходнік]
У друку выступаў з артыкуламі і рэцэнзіямі па пытаннях мастацкага перакладу і літаратурных узаемасувязей з 1979 года. Аўтар кнігі «Беларуская савецкая літаратура за мяжой» (з Г. Адамовіч, У. Сакалоўскім, І. Чаротай, 1988). Перакладаў з французскай, англійскай, польскай і рускай моў. У яго перакладзе на беларускую мову выйшлі раманы Ф.Марыяка «Тэрэза Дэскейру» і «Клубок гадзюк» (1985), а таксама апавяданні і навелы А. Вюрмсэра, М. Друона, В. Кандрацьева, Б. Клавэля, А. Маруа, Ф.Саган, М. Эмэ і інш.
Літаратура[правіць | правіць зыходнік]
- Казыра Леанід Аляксеевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
- Нарадзіліся 12 верасня
- Нарадзіліся ў 1949 годзе
- Нарадзіліся ў Навагрудскім раёне
- Памерлі 3 кастрычніка
- Памерлі ў 2021 годзе
- Памерлі ў Мінску
- Выпускнікі Мінскага дзяржаўнага лінгвістычнага ўніверсітэта
- Супрацоўнікі Інстытута літаратуры імя Янкі Купалы НАНБ
- Асобы
- Пісьменнікі паводле алфавіта
- Перакладчыкі Беларусі
- Перакладчыкі XX стагоддзя
- Перакладчыкі з французскай мовы
- Перакладчыкі з англійскай мовы
- Перакладчыкі з польскай мовы
- Перакладчыкі з рускай мовы
- Перакладчыкі на беларускую мову
- Ганаровыя консулы Швейцарыі