З Вікіпедыі, свабоднай энцыклапедыі
Багноўка [3] , вадзяніка, вараніка, шыкша (Empetrum ) — род кветкавых вечназялёных нізкарослых хмызнякоў сямейства Верасовыя (Ericaceae ).
Багноўка чорная (Empetrum nigrum ). Батанічная ілюстрацыя Якаба Штурма з кнігі «Deutschlands Flora in Abbildungen », 1796
Лісце вузкае, шчыльнае, з загорнутымі ўніз бакамі. Кветкі дробныя, пазухавыя, трохчленавыя, з падвойным калякветнікам , тычынак 3. Плод — ягадападобная касцянка з вадкім і крыху саладкавым сокам.
Налічваецца ад некалькіх да 18 відаў, якія пашыраны ў халодных абласцях Паўночнага паўшар’я , у паўднёвых раёнах Паўднёвай Амерыкі і на некаторых прылеглых астравах (Чылійскія Анды, Вогненная Зямля , астравы Фалклендскія і Трыстан-да-Кунья ), ва ўсходняй частцы Паўночнай Амерыкі і ў паўднёва-заходняй Еўропе . Сустракаюцца па мохавай, мохава-лішайнікавай і камяністай тундры , на сфагнавых балотах , радзей на пясчаных косах і дзюнах , у лясах і ў альпійскім поясе .
Выкарыстоўваюцца як дэкаратыўныя расліны .
Зноскі
↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя» .
↑ Киселевский А. И. Латино-русско-белорусский ботанический словарь. — Мн. : «Наука и техника », 1967. — С. 48. — 160 с. — 2 350 экз.