Іван Адамавіч Лявіцкі
Іван Адамавіч Лявіцкі | |
---|---|
Дата нараджэння | 2 ліпеня 1945 (78 гадоў) |
Месца нараджэння |
|
Грамадзянства | |
Род дзейнасці | навуковец |
Навуковая сфера | фізічная хімія і тэхналогія сілікатаў[d] |
Месца працы | |
Навуковая ступень | доктар тэхнічных навук |
Навуковае званне | |
Альма-матар |
|
Узнагароды | |
Медыяфайлы на Вікісховішчы |
Іван Адамавіч Лявіцкі (2 ліпеня 1945 в. Бортнікі Мядзельскага раёна Мінскай вобласці) — беларускі вучоны ў галіне матэрыялазнаўства, тэхналогій вырабу сілікатаў і фізічнай хіміі. Доктар тэхнічных навук (2000). Прафесар (2003). Заслужаны дзеяч навукі Рэспублікі Беларусь (2010).
Біяграфія[правіць | правіць зыходнік]
Іван Адамавіч Лявіцкі нарадзіўся 2 ліпеня 1945 г. у вёсцы Бортнікі Мядзельскага раёна Мінскай вобласці. У 1963 г. скончыў сярэднюю школу г.п. Свір Мядзельскага раёна Мінскай вобласці, у 1968 г. — Беларускі політэхнічны інстытут (БПІ), затым аспірантуру, дактарантуру.
У 1968—1969 гг. — інжынер, старшы інжынер, у 1969—1971 гг. — начальнік канструктарскага аддзела, у 1972—1973 гг. — загадчык тэхналагічнага аддзела Праектна-канструктарскага бюро Гомельскага абласнога ўпраўлення мясцовай прамысловасці. У 1971—1972 гг. — служба ў радах Савецкай Арміі.
У 1973—1974 гг. — старшы інжынер, у 1974—1976 гг. — кіраўнік групы, у 1976—1979 гг. — галоўны спецыяліст тэхналагічнага аддзела Праектна-тэхналагічнага інстытута «Белмясцпрампраект».
У 1979—1986 гг. — намеснік загадчыка, у 1986—1987 гг. — загадчык канструктарска-тэхналагічнага аддзела будматэрыялаў, у 1987—1990 гг. — намеснік галоўнага інжынера Беларускага канструктарска-тэхналагічнага інстытута навукова-вытворчага аб’яднання сродкаў механізацыі і аснасткі «Прагрэс» (г. Мінск).
У 1990—1991 гг. — старшы выкладчык, у 1991—1996 гг. — дацэнт кафедры тэхналогіі сілікатаў Беларускага тэхналагічнага універсітэта. З 1996 г. па сённяшні дзень — загадчык кафедры тэхналогіі шкла і керамікі Беларускага дзяржаўнага тэхналагічнага універсітэта (БДТУ).
У 1983 г. І. А. Лявіцкаму прысвоена вучоная ступень кандыдата тэхнічных навук, ў 1993 г. — званне дацэнта па кафедры тэхналогіі сілікатаў, у 2000 г. — доктара тэхнічных навук, у 2003 г. — вучонае званне прафесара.
Навуковая дзейнасць[правіць | правіць зыходнік]
Сфера навуковых інтарэсаў — тэхналогія сілікатаў, вывучэнне працэсаў фізікахіміі і тэхналогіі сілікатаў. Распрацаваў асновы атрымання керамічных і шклопадобных матэрыялаў з зададзенымі ўласцівасцямі, арганізаваў тэхналогію вытворчасці керамікі, керамічнай пліткі і абліцовачных матэрыялаў.
Узнагароды[правіць | правіць зыходнік]
І. А. Лявіцкі ўзнагароджаны медалём «За працоўныя заслугі» (2005 г.), нагрудным знакам «Выдатнік адукацыі» (2009 г.), Ганаровай граматай Міністэрства адукацыі Рэспублікі Беларусь (2005 г.), Ганаровымі граматамі Міністэрства архітэктуры і будаўніцтва Рэспублікі Беларусь (1995 і 2000 гг.), срэбным (1979) і бронзавым (1987 г.) медалём ВДНГ СССР, Ганаровай граматай ЦК КПСС, Савета Міністраў СССР, УЦСПС і ЦК УЛКСМ (1987 г.), Ганаровымі граматамі БДТУ (2004, 2005, 2007 гг .). У 2010 г. прысвоена званне Заслужанага дзеяча навукі Рэспублікі Беларусь.
Па выніках конкурсу на лепшую арганізацыйную і вынаходніцкую працу па патэнтаванні распрацовак універсітэта, прысвечанага 80-годдзю БДТУ, доктар тэхнічных навук Іван Адамавіч Лявіцкі — загадчык кафедры тэхналогіі шкла і керамікі, узнагароджаны дыпломам I ступені з прысваеннем звання «Лепшы вынаходнік 2009 года». Па выніках конкурсу кафедра тэхналогіі шкла і керамікі БДТУ ўзнагароджана Дыпломам 1 ступені з прысваеннем звання «Лепшая кафедра па арганізацыі вынаходніцкай працы 2009 года».
Літаратура[правіць | правіць зыходнік]
- Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
Спасылкі[правіць | правіць зыходнік]
- На Вікісховішчы ёсць медыяфайлы па тэме Іван Адамавіч Лявіцкі
- Левицкий Иван Адамович
- Лявіцкі Іван Адамавіч на сайце анлайн-энцыклапедыі «Беларусь у асобах і падзеях»
- Нарадзіліся 2 ліпеня
- Нарадзіліся ў 1945 годзе
- Нарадзіліся ў Мядзельскім раёне
- Супрацоўнікі Белпрамбудпраекта
- Выкладчыкі БДТУ
- Дактары тэхнічных навук
- Прафесары
- Выпускнікі БНТУ
- Узнагароджаныя медалём «За працоўныя заслугі»
- Узнагароджаныя срэбраным медалём ВДНГ
- Узнагароджаныя бронзавым медалём ВДНГ
- Заслужаныя дзеячы навукі Рэспублікі Беларусь
- Выдатнікі адукацыі Беларусі
- Узнагароджаныя Ганаровай граматай Міністэрства адукацыі Рэспублікі Беларусь
- Асобы
- Вучоныя паводле алфавіта
- Хімікі Беларусі
- Матэрыялазнаўцы Беларусі
- Фізікахімікі СССР
- Фізікахімікі Беларусі