Іван Пятровіч Лякін
Іван Пятровіч Лякін | |
---|---|
Иван Петрович Лякин | |
Дата нараджэння | 24 чэрвеня 1912 |
Месца нараджэння | Масква |
Дата смерці | 19 жніўня 1941 (29 гадоў) |
Месца смерці | Гомельская вобласць |
Месца пахавання | |
Грамадзянства | |
Прыналежнасць | СССР |
Род войскаў | артылерыя |
Гады службы | 1937—1941 |
Званне |
|
Бітвы/войны |
Савецка-фінская вайна, Вялікая Айчынная вайна |
Узнагароды і званні |
Іван Пятровіч Лякін (1912—1941) — лейтэнант Рабоча-сялянскай Чырвонай Арміі, удзельнік савецка-фінскай і Вялікай Айчыннай вайны, Герой Савецкага Саюза (1940).
Біяграфія[правіць | правіць зыходнік]
Іван Лякін нарадзіўся 24 чэрвеня 1912 года ў Маскве. Пасля заканчэння пяці класаў школы працаваў на заводзе. У 1937 годзе Лякін быў прызваны на службу ў Рабоча-сялянскую Чырвоную Армію. Удзельнічаў у баях савецка-фінскай вайны, будучы наводчыкам гарматы 218-га артылерыйскага палка 51-й стралковай дывізіі 13-й арміі Паўночна-Заходняга фронту[1].
8-12 студзеня 1940 года Лякін удзельнічаў у прарыве фінскай абароны ў раёне пасёлка Рэпола на поўнач ад Выбарга[1].
Вызначыўся ў час бою за станцыйны пасёлак. Ноччу, перад пачаткам агульнага наступу разлік ўручную (каб не прыцягнуць увагу праціўніка шумам і іржаннем коней) выкаціў 76-мм палкавую гармату на адкрытую пазіцыю для стральбы прамой наводкай і замаскіраваў яго, а з пачаткам наступлення - адкрыў агонь, разбурыўшы будынак, у якім знаходзіўся фінскі камандны пункт. Гармата Лякіна працягвала весці агонь па фінскай пяхоце пад абстрэлам праціўніка, якім былі выведзеныя са строю трое з чатырох артылерыстаў[2].
У крытычны момант бою ён разам са сваімі таварышамі знішчыў 1 процітанкавую артылерыйскую гармату і падавіў агонь яшчэ адной, што спрыяла прасоўванню наперад танкавых частак[1].
Указам Прэзідыума Вярхоўнага Савета СССР ад 7 красавіка 1940 года за «ўзорнае выкананне баявых заданняў камандавання на фронце барацьбы з фінскай белагвардзейшчынай і праяўленыя пры гэтым адвагу і геройства» чырвонаармеец Іван Лякін быў удастоены высокага звання Героя Савецкага Саюза з уручэннем ордэна Леніна і медалі «Залатая Зорка» за нумарам 421[1].
У 1941 годзе Лякін скончыў Маскоўскае артылерыйскае вучылішча. З пачатку Вялікай Айчыннай вайны — на яе франтах. 19 жніўня 1941 года Лякін загінуў у баі. Пахаваны ў горадзе Чачэрску Гомельскай вобласці Беларусі[1].
Зноскі
- ↑ а б в г д Іван Пятровіч Лякін на сайце «Героі краіны»
- ↑ Герои Советского Союза // журнал "Техника молодежи", № 2, 1941. стр.12-16
- Нарадзіліся 24 чэрвеня
- Нарадзіліся ў 1912 годзе
- Асобы
- Нарадзіліся ў Маскве
- Памерлі 19 жніўня
- Памерлі ў 1941 годзе
- Памерлі ў Гомельскай вобласці
- Пахаваныя ў Чачэрскім раёне
- Военачальнікі СССР
- Героі Савецкага Саюза
- Кавалеры ордэна Леніна
- Артылерысты Вялікай Айчыннай вайны
- Загінулі ў баях Вялікай Айчыннай вайны
- Удзельнікі савецка-фінскай вайны