Абаротнае водазабеспячэнне
Абаро́тнае водазабеспячэ́нне — сістэма водазабеспячэння на прадпрыемствах, пры якой адбываецца шматразовы абарот вады ў тэхналагічным працэсе пры абмежаваным яе скідванні ў вадаёмы (да 3 %) ці інш. водапрыёмнікі. Перад паўторным выкарыстаннем адпрацаваную ваду ачышчаюць, ахалоджваюць і апрацоўваюць залежна ад мэтаў вытворчасці ў адкрытых вадаёмах, градзірнях, пырскальных басейнах, ачышчальных устаноўках. Выкарыстанне абаротнага водазабеспячэння замест праматочнага змяншае расход вады, эксплуатацыйныя выдаткі, забруджванне навакольнага асяроддзя.
Літаратура[правіць | правіць зыходнік]
- Абаротнае водазабеспячэнне // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).