Адамавічы (Гродзенскі раён)
Вёска
Адамавічы
| ||||||||||||||||||||
Ада́мавічы[1] — вёска ў складзе Падлабенскага сельсавета Гродзенскага раёна Гродзенскай вобласці.
Упершыню згадваецца ў 1559 у актах валочнай памеры як вёска Вялікія Адамавічы Гарадніцкай воласці Гродзенскай эканоміі. Побач існавала «гродская» (замкавая) вёска Малыя Адамавічы. У 1560 у Вялікіх Адамавічах усяго пяць хат, узгадваюцца жыхары — Станіслаў Адамовіч, Місько Адамовіч, Павел Нарковіч, Ермак, Місько і Янко Панасовічы, Богдан Навумовіч. У 19 ст. вёскі Вялікія і Малыя Адамавічы аб’ядналіся ў адну — Адамавічы, яна ўваходзіла ў Аўгустоўскі павет, воласць Лабна. У 1880 у Адамавічах 295 жыхароў і 37 дамоў. У 1855 у Адамавічах коштам жыхароў пабудаваны касцёл.
Славутасці[правіць | правіць зыходнік]
У Адамавіцкім касцёле знаходзіцца можа адзіная ікона ў стылі мадэрн (сецэсіі) на Гродзеншчыне, якую напісаў у 1940 мастак Глогер — абраз высокага эстэтычнага ўзроўню.
Зноскі
- ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9.
Літаратура[правіць | правіць зыходнік]
Памяць: Гісторыка-дакументальная хроніка Гродзенскага раёна / Рэдкал. У. П. Верхась і інш. — Мн., 1993.