Адольф Эрсблё

Адольф Эрсблё
ням.: Adolf Erbslöh
Дата нараджэння	27 мая 1881(1881-05-27)[…]
Месца нараджэння	Нью-Ёрк, Нью-Ёрк, ЗША
Дата смерці	2 мая 1947(1947-05-02)[…] (65 гадоў)
Месца смерці	Ікінг[d], раён Бад-Цёльц-Вольфратсгаўзен, Верхняя Баварыя, Баварыя, Бізонія[d], Германія пад акупацыяй саюзнікаў[d], Германія
Грамадзянства	Германія
Род дзейнасці	мастак
Мастацкі кірунак	экспрэсіянізм
Медыяфайлы на Вікісховішчы

Адольф Эрбслё (ням.: Adolf Erbslöh; 27 мая 1881, Нью-Ёрк — 2 мая 1947, Ікінг) — нямецкі мастак; разам з Марыянай Вяроўкінай і Аляксеем фон Яўленскім заснаваў фонд Neue Künstlervereinigung München (N.K.V.M.), які пазней называўся «Blaue Reiter».

Біяграфія

Адольф Эрбслё нарадзіўся ў Нью-Ёрку ў сям’і гандляроў, якая паходзіла з Бармэна. Яго дзед быў сузаснавальнікам кампаніі Julius und August Erbslöh, а бацька быў саўладальнікам экспартнай кампаніі Dieckerhoff, Raffloer & Co. На працягу 15 гадоў ён працаваў у Нью-Ёрку, пакуль у 1887 годзе не вярнуўся з сям’ёй у Бармен.

У 1901 годзе Адольф Эрбслё пачаў вучыцца ў Акадэміі ў Карлсруэ: яго настаўнікамі былі Эрнст Шурт (1848—1910) і Людвіг Шмід-Ройтэ (1862—1909). Падчас свайго знаходжання ў Карлсруэ Эрбслё пазнаёміўся з Аляксандрам Канальтам і Георгам Тапертам. У 1907 годзе Эрбслё ажаніўся з Адэлінай Шухард — вяселле праходзіла ў замку Каленберг каля Варбурга, які быў набыты цесцем.

З восені 1908 года Эрбслё стаў наведваць «ружовы салон» Марыяны Вяроўкінай. Разам з ёй і Аляксеем Яўленскім ён распрацаваў праект стварэння «Асацыяцыі новых мастакоў Мюнхена» (N.K.V.M.); пасля стварэння асацыяцыі Эрбсле стаў выконваць абавязкі сакратара.