Алег Адольфавіч Валодзька

Алег Адольфавіч Валодзька
Імя пры нараджэнні	Адольф Адольфавіч Валодзька
Род дзейнасці	калгаснік
Дата нараджэння	17 ліпеня 1946(1946-07-17)
Месца нараджэння	Старчуны, Камайскі сельсавет, Пастаўскі раён, Маладзечанская вобласць, БССР, СССР
Дата смерці	28 сакавіка 2019(2019-03-28) (72 гады)
Месца смерці	Навасёлкі, Навасёлкаўскі сельсавет, Пастаўскі раён, Віцебская вобласць, Беларусь
Грамадзянства	СССР  Беларусь
Альма-матар	Гарадоцкі дзяржаўны аграрна-тэхнічны каледж
Партыя	КПСС
Узнагароды і прэміі

Алег (Адольф) Адольфавіч Валодзька (17 ліпеня 1946, в. Старчуны, Пастаўскі раён — 28 сакавіка 2019) — беларускі спецыяліст у галіне сельскай гаспадаркі і жывёлагадоўлі, кіраўнік-рацыяналізатар, грамадскі дзеяч. Герой Сацыялістычнай Працы (1988). Заслужаны работнік сельскай гаспадаркі Беларусі.

У 22 гады стаў старшынёй калгаса імя Суворава Пастаўскага раёна (у цяперашні час СВК «Навасёлкі-Лучай»). Стаўшы самым маладым кіраўніком, ён здолеў з адсталага калгаса зрабіць перспектыўную, квітнеючую гаспадарку, якую нязменна ўзначальваў больш за 40 гадоў. Абіраўся дэпутатам Вярхоўнага Савета БССР.

Узнагароды

• Ордэн Працоўнага Чырвонага Сцяга (1971)
• Ордэн Леніна (1973)
• Ордэн Кастрычніцкай Рэвалюцыі (1981)
• Ордэн Дружбы народаў
• У 1981 годзе прысвоена званне «Заслужаны работнік сельскай гаспадаркі БССР».

Ганаровае званне Герой Сацыялістычнай Працы з узнагароджаннем Ордэнам Леніна і Залаты медалём «Серп і молат» прысвоена ў 1988 годзе.

Літаратура

• Час гаспадароў : жыццё, справы, думкі старшыні калгаса : дакументальна-публіцыстычная аповесць / Міхась Герчык. ― Мінск, 1983.
• Облик страны. Беларусь-2007 [Изоматериал] : имидж-календарь [настольный перекидной ежедневный] / руководитель проекта: Марина Тимохович. ― Минск, [2007?].
• Регионы Беларуси : энциклопедия. В 7 т. Т. 2. Витебская область. В 2 кн. Кн. 1. — Минск, 2010. (Форма имени: Адольф Адольфович Володько.)