Алег Віктаравіч Дзячэнка

Алег Віктаравіч Дзячэнка
Дата нараджэння	14 чэрвеня 1971(1971-06-14) (52 гады)
Месца нараджэння	Канск, Краснаярскі край, РСФСР, СССР
Грамадзянства	Беларусь
Род дзейнасці	выкладчык універсітэта, філосаф, рэлігіязнавец
Месца працы	МДУ імя А. А. Куляшова АПА факультэт эканомікі і права МДУ імя А. А. Куляшова МДАІРА[d]
Навуковая ступень	кандыдат філасофскіх навук (2000)
Альма-матар	МДУ імя А. А. Куляшова
Партыя	Беларуская партыя «Белая Русь»
Узнагароды	Ганаровая грамата Міністэрства адукацыі Рэспублікі Беларусь (2005) ганаровая грамата Нацыянальнага сходу Рэспублікі Беларусь Ганаровая грамата Магілёўскага абласнога выканаўчага камітэта[d] Ганаровая грамата Магілёўскага гарадскога выканаўчага камітэта[d] Ганаровая грамата Магілёўскага гарадскога Савета дэпутатаў[d] Ганаровая грамата Упаўнаважанага па справах рэлігій і нацыянальнасцей пры Савеце Міністраў Рэспублікі Беларусь[d]

Алег Віктаравіч Дзячэнка (нар. 14 чэрвеня 1971, Канск, Краснаярскі край, Расія) — беларускі філосаф, рэлігіязнавец, член Савета Рэспублікі Нацыянальнага сходу Рэспублікі Беларусь 7-га склікання. Кандыдат філасофскіх навук (2000), дацэнт (2004).

Біяграфія

Нарадзіўся 14 чэрвеня 1971 года ў г. Канску Краснаярскага края (РСФСР).

Скончыў у 1995 годзе Магілёўскі дзяржаўны педагагічны інстытут імя А. А. Куляшова па спецыяльнасці «Гісторыя», у 2000 годзе аспірантуру Інстытута філасофіі і права НАН Беларусі.

Працаваў у сярэдняй школе в. Вялікія Бялевічы Магілёўскага раёна.

З 2001 па 2014 гады працаваў дацэнтам кафедры філасофіі Магілёўскага дзяржаўнага ўніверсітэта імя А. А. Куляшова. З 2014 па 2017 гады працаваў прарэктарам па навукова-метадычнай працы Магілёўскага дзяржаўнага абласнога інстытута развіцця адукацыі. З 27 студзеня 2017 года па 6 кастрычніка 2017 года займаў пасаду загадчыка кафедры грамадзянскага і гаспадарчага права факультэта эканомікі і права Магілёўскага дзяржаўнага ўніверсітэта імя А. А. Куляшова. З 25 кастрычніка 2017 года па 16 мая 2022 года працаваў прарэктарам па навучальнай працы Магілёўскага дзяржаўнага ўніверсітэта імя А. А. Куляшова. З 17 мая 2022 года займае пасаду рэктара дзяржаўнай установы адукацыі «Акадэмія паслядыпломнай адукацыі».

Выбіраўся членам Савета Рэспублікі Нацыянальнага сходу Рэспублікі Беларусь 7-га склікання. Намеснік старшыні Пастаяннай камісіі па адукацыі, навуцы, культуры і сацыяльным развіцці.

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Асіповіцкай акругі № 89. Намеснік старшыні Пастаяннай камісіі па міжнародных справах.

Член рэспубліканскага грамадскага аб’яднання «Белая Русь», член Беларускай партыі «Белая Русь». Старшыня экспертнага савета пры Упаўнаважаным па справах рэлігій і нацыянальнасцей Савета Міністраў Рэспублікі Беларусь.

Навуковая дзейнасць

Аўтар звыш 100 навуковых прац па рэлігіязнаўстве, у тым ліку 8 манаграфій і 7 вучэбна-метадычных дапаможнікаў.

Узнагароды

Узнагароджаны ганаровымі граматамі Нацыянальнага сходу Рэспублікі Беларусь, Міністэрства адукацыі Рэспублікі Беларусь (2005), Упаўнаважанага па справах рэлігій і нацыянальнасцей, Магілёўскага абласнога выканаўчага камітэта (2000), Магілёўскага гарадскога выканаўчага камітэта (2004, 2013), Магілёўскага гарадскога Савета дэпутатаў, Савета Міжпарламенцкай Асамблеі дзяржаў — удзельніц Садружнасці Незалежных Дзяржаў, медалём Міжпарламенцкай Асамблеі дзяржаў — удзельніц Садружнасці Незалежных Дзяржаў «За ўмацаванне міжпарламенцкага супрацоўніцтва», юбілейным медалём «МПА СНГ. 30 лет», медалём свяціцеля Кірылы Тураўскага.

Сям'я

Жанаты, мае двух сыноў і дачку.

Літаратура

• Движение пятидесятников в Беларуси (на материалах Могилевской области) : диссертация … кандидата философских наук : 09.00.06 : защищена 26.09.2000 : утверждена 13.12.2000 / Дьяченко Олег Викторович. — Минск, 2000.
• Новые религиозные объединения / О. В. Дьяченко. — Мозырь, 1998.
• Пятидесятничество в Беларуси : монография / О. В. Дьяченко. — Могилев, 2003.
• Алег Віктаравіч Дзьячэнка [Дзячэнка!] // Гістарычны факультэт : да 75-годдзя ўтварэння / Магілёўскі дзяржаўны універсітэт імя А. А. Куляшова. ― Магілёў, 2010. — С. 178—179.
• Дьяченко Олег Викторович // Ученые МГУ имени А. А. Кулешова : биобиблиографический справочник. — Могилев, 2013. — С. 18—20.

Спасылкі

• Біяграфія на сайце Палаты прадстаўнікоў Нацыянальнага сходу Рэспублікі Беларусь