Аляксандр Пятровіч Сасноўскі
Аляксандр Пятровіч Сасноўскі | |
---|---|
Дата нараджэння | 19 верасня 1955 (68 гадоў) |
Месца нараджэння | |
Альма-матар | |
Месца працы | |
Музычная дзейнасць | |
Прафесіі | дырыжор, педагог |
Аляксандр Пятровіч Сасноўскі (нар. 19 верасня 1955, г. Магілёў) — беларускі дырыжор, педагог.
Біяграфія[правіць | правіць зыходнік]
Скончыў у 1978 годзе Беларускую кансерваторыю па класе Х. Абраміса, у 1983 годзе Ленінградскую кансерваторыю па класе Ю. Цеміркана. У 1981—1991 і з 1993 дырыжор, з 1994 галоўны дырыжор Беларускага дзяржаўнага музычнага тэатра. 3 1988 адначасова мастацкі кіраўнік і галоўны дырыжор сімфанічнага аркестра Брэсцкага абласнога тэатра драмы і музыкі. 3 1994 выкладае ў Беларускай акадэміі музыкі.
Творчасць[правіць | правіць зыходнік]
Творчасці Сасноўскага ўласцівы прафесійнае майстэрства, артыстызм, актыўнасць дырыжорскай волі, эмацыянальнасць і экспрэсія. Выразная мануальная тэхніка і ўяўная лёгкасць выканання — характэрныя рысы яго індывідуальнага стылю, якія абумоўліваюць высокую якасць гучання аркестра і зладжанасць музычн.-тэатр. ансамбля. Пад яго музычным кіраўніцтвам пастаўлены аперэты «Фраскіта » Ф. Легара (1984), «Мільянерка» Я. Глебава (1987), «Клоп» У. Дашкевіча (1988), «Хэло, Долі! » Дж. Германа (1992), «Халопка » М. Стрэльнікава (1994), «Шклянка вады» У. Кандрусевіча (1995), «Цыганскі барон » І. Штрауса (1997), «Дарагая Памэла» М. Самойлава, «Севастопальскі вальс» К. Лістова, «Цалуй мяне, Кэт!» К. Портэра (усе 1998), «Даратэя» Ц. Хрэннікава (2000), опера «Viva la mamma!, або Пікантныя кашмары тэатральнага жыцця» Г. Даніцэці (1993), балеты «Штраусіяна» на музыку Штрауса (1992), «Шапеніяна » на музыку Ф. Шапена (1995), «Кармэн-сюіта » Ж. Бізэ — Р. Шчадрына (1998) і інш.
Зноскі
Літаратура[правіць | правіць зыходнік]
- Т. Г. Мдывані. Сасноўскі Аляксандр Пятровіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
- Нарадзіліся 19 верасня
- Нарадзіліся ў 1955 годзе
- Нарадзіліся ў Магілёве
- Выпускнікі Беларускай дзяржаўнай акадэміі музыкі
- Выпускнікі Санкт-Пецярбургскай кансерваторыі
- Постаці Беларускага дзяржаўнага акадэмічнага музычнага тэатра
- Постаці Брэсцкага акадэмічнага тэатра драмы імя Ленінскага камсамола Беларусі
- Выкладчыкі Беларускай дзяржаўнай акадэміі музыкі
- Асобы
- Музыканты паводле алфавіта
- Дырыжоры Беларусі
- Дырыжоры XX стагоддзя
- Музычныя педагогі XX стагоддзя
- Музычныя педагогі Беларусі