Андрэй Леапольдавіч Лянкевіч
Андрэй Леапольдавіч Лянкевіч | |
---|---|
Род дзейнасці | фатограф |
Дата нараджэння | 1981[1][2] |
Месца нараджэння | |
Грамадзянства | |
Месца працы | |
Альма-матар |
|
Член у |
Андрэ́й Леапольдавіч Лянке́віч (нар. 1981, Гродна) — беларускі фатограф, фотакарэспандэнт.
Біяграфія[правіць | правіць зыходнік]
Скончыў у 2004 годзе эканамічны факультэт Беларускага дзяржаўнага ўніверсітэта[3]. Скончыў праграму «World Press Photo» у Каўказскім інстытуце СМІ ў Ерэване (2005).
У верасні 2007 года быў запрошаны для ўдзелу ў майстар-класе праекту «Focus on Monferrato» ў Таскане (Італія). У чэрвені 2008 годзе браў удзел у праграме, якая падтрымліваецца «French Association Pour l’Instant», у рамках якой працаваў над праектам «Сучасныя інстытуты сям’і».
У 2009 годзе атрымаў Humanity Photo Awards за працу над праектам, прысвечаным беларускім паганскім традыцыям[4]. У гэтым жа годзе праект увайшоў у 10-ку фіналістаў Magnum Expression Award. У 2009 годзе Андрэй атрымаў гран-пры ў Польскім конкурсе фатаграфіі, прысвечаным 170-годдзю фатаграфіі. У 2010 годзе перамог у фотаконкурсе АБСЕ, быў куратарам сустрэч з фатографамі Літвы[5]. У 2011 годзе атрымаў 6 узнагарод у Belarus Press Photo[6].
Фотакарэспандэнт «Нашай Нівы» ў 2002—2008 гадах. Супрацоўнічае з міжнароднымі фотаагенцтвамі. Здымкі выходзілі ў такіх выданнях, як «New York Times», «Le Figaro», «Newsweek», «Die Zeit», «Spiegel», «GEO», «International Herald Tribune», «Огонёк», «Московский комсомолец», «Известия», «Gazeta Wyborcza». З 2007 года выкладае курс па фотажурналістыцы ў Еўрапейскім гуманітарным універсітэце ў Вільні (Літва). З 2005 па 2010 год супрацоўнічаў з «European Pressphoto Agency» (EPA), у 2007 далучыўся да «Anzenberger Agency». У 2008 увайшоў у калектыў маладых фатографаў Sputnik.
Сябра Беларускай асацыяцыі журналістаў.
Творчасць[правіць | правіць зыходнік]
12 лістапада 2010 года ў Мінску была прэзентавана кніга фотаздымкаў Андрэя Лянкевіча пра традыцыйныя абрады беларусаў «Паганства».
У 2012 годзе Андрэй Лянкевіч удзельнічаў у праекце «Радыус нуля» як адзін з 15-ці найбольш значных фотамастакоў Беларусі за 2000—2010 гады. Пазней у гэтым годзе праект Андрэя «Бывай, Радзіма» атрымаў гран-пры на партфоліа-рэвію «Kaunas Photo Star» у Каўнасе (Літва). У 2013 годзе Андрэй ініцыяваў выданне першай у гісторыі Беларусі кнігі пра маладую фатаграфіі «BY NOW», якая выйшла ў нямецкім выдавецтве Kehrer. У кастрычніку 2014 года Андрэй ініцыяваў Месяц фатаграфіі ў Мінску, у межах якога на 8-мі пляцоўках прайшло 12 выставак, 7 лекцый і прэзентацый, мультымедыя-паказы і фатапрэмія. У 2015—2016 гадах Андрэй быў мастацкім кіраўніком прасторы ЦЭХ. У гэтым годзе Андрэй атрымаў Гран-пры на «Восеньскім салоне» (Мінск, Беларусь) за калажы з праекту «Бывай, Радзіма».
Выстаўкі[правіць | правіць зыходнік]
Меў каля 60 выставак у Беларусі, Аўстрыі, Бельгіі, ЗША, Італіі, Літве, Нарвегіі, Германіі, Польшчы, Украіне, Францыі, Чэхіі, Швецыі, Эстоніі сярод іх — з праектам «Unknown Country» у рамках 3-га месяца Еўрапейскай фатаграфіі ў цэнтры культуры і мастацтва «Uferhallen», (Берлін, Германія), з праектам «У яго жаночае імя» ў Музеі сучаснага мастацтва ў Вене (Аўстрыя) і Музеі сучаснага мастацтва ў Варшаве (Польшча), браў удзел у Беларускім павільёне Венецыянскай біенале ў Мінску (Беларусь). Таксама працы Андрэя былі паказаны на фестывалі ў Арлі ў 2012 годзе.
Зноскі
- ↑ fotoCH
- ↑ Czech National Authority Database Праверана 8 чэрвеня 2022.
- ↑ Андрэй Леапольдавіч Лянкевіч у Зводным электронным каталогу бібліятэк Беларусі
- ↑ Владимир Парфенок Серия фотографий Андрея Ленкевича стала призовой в конкурсе Humanity photo awards — 24.08.2009 (руск.)
- ↑ Встречи — FotoLab (руск.)
- ↑ Победители Пресс-Фото Беларуси 2011 (руск.)