Анцінея Рыгораўна Мурашка
Анцінея Рыгораўна Мурашка | |
---|---|
Дата нараджэння | 15 кастрычніка 1924 |
Месца нараджэння | |
Дата смерці | 18 студзеня 2011 (86 гадоў) |
Грамадзянства | |
Бацька | Рыгор Мурашка |
Род дзейнасці | мовазнаўца |
Месца працы | |
Альма-матар |
Анцінея Рыгораўна Мурашка (15 кастрычніка 1924, вёска Кірава, Слуцкі раён, Мінская вобласць — 18 студзеня 2011) — беларускі мовазнавец, кандыдат філалагічных навук, лаўрэат Дзяржаўнай прэміі СССР (1971).
Біяграфія[правіць | правіць зыходнік]
Бацька — Рыгор Мурашка, маці Соф’я (Саламея). У 1927 годзе сям’я пераехала ў Менск. Тут скончыла 9 класаў сярэдняй школы. На пачатку вайны разам з піянерскім лагерам, які знаходзіўся ў Ратамцы, была эвакуіравана ў Хвалынск у Саратаўскай вобласці. Жыла ў дзіцячым доме, тут скончыла 10 клас, працавала выхавацельніцай у дзіцячым інтэрнаце саюза пісьменнікаў у Чыстапалі ў Татарстане. У 1948 годзе закончыла Беларускі дзяржаўны ўніверсітэт. З 1950 года супрацоўнік Інстытута мовазнаўства АН БССР, з 1963 па 1993 год дацэнт кафедры рускай мовы БДУ. Два гады (1978—1980) узначальвала кафедру рускай мовы для замежных студэнтаў. Выкладала рускую мову за мяжой, у Польшчы (1971—1973), на Кубе (1982—1984).
Даследчык беларускай дыялекталогіі, пытанняў узаемадзеяння народных гаворак з літаратурнай мовай, беларускай мовы з суседнімі славянскімі і неславянскімі мовамі. Абараніла кандыдацкую дысертацыю «Формы прыметнікаў у беларускіх гаворках» (1958), апублікавала артыкулы «Формы меснага склону адзіночнага ліку прыметнікаў мужчынскага і ніякага роду ў беларускіх гаворках», «Ступені параўнання якасных прыметнікаў» і інш. Даследавала, у прыватнасці, метэаралагічную лексіку. Сааўтар «Хрэстаматыі па беларускай дыялекталогіі» (1962), «Дыялекталагічнага атласа беларускай мовы» (ч. 1-2, 1963), «Нарысаў па беларускай дыялекталогіі» (1964), атласа «Лінгвістычная геаграфія і групоўка беларускіх гаворак» (1969), «Сучаснай рускай мовы» (ч. 1-2, 1981).
Сям’я[правіць | правіць зыходнік]
Маці перажыла вайну. Муж — Барыс Сцяпанавіч Лапаў, мовазнавец (1925—1967). Дачка — Алена Зарэмба.
Гл. таксама[правіць | правіць зыходнік]
- Ганна Уладзіміраўна Арашонкава
- Мікалай Васілевіч Бірыла
- Ніна Трафімаўна Вайтовіч
- Іосіф Мартынавіч Гайдукевіч
- Аляксей Пятровіч Груца
- Аляксандр Антонавіч Крывіцкі
- Яўгенія Міхайлаўна Рамановіч
- Кандрат Крапіва
- Юзэфа Фларыянаўна Мацкевіч
Зноскі
Літаратура[правіць | правіць зыходнік]
- Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
- І. К. Германовіч. Анцінея Рыгораўна Мурашка (Да 60-годдзя з дня нараджэння) / Веснік Беларускага дзяржаўнага універсітэта імя У. І. Леніна. Серыя 4. — 1984. — № 3. — С. 63.
Спасылкі[правіць | правіць зыходнік]
- Анцінея Рыгораўна Мурашка на сайце анлайн-энцыклапедыі «Беларусь у асобах і падзеях»
- [1]
- Нарадзіліся 15 кастрычніка
- Нарадзіліся ў 1924 годзе
- Нарадзіліся ў Слуцкім раёне
- Памерлі 18 студзеня
- Памерлі ў 2011 годзе
- Супрацоўнікі Інстытута мовазнаўства НАНБ
- Выкладчыкі філалагічнага факультэта БДУ
- Выпускнікі філалагічнага факультэта БДУ
- Асобы
- Вучоныя паводле алфавіта
- Вучоныя СССР
- Мовазнаўцы Беларусі
- Дыялектолагі