Беларускае філасофскае таварыства
Белару́скае філасо́фскае тавары́ства — добраахвотная навукова-грамадская арганізацыя. Аб’ядноўвае навукоўцаў і іншых грамадзян, якія распрацоўваюць фундаментальныя філасофскія праблемы, умацоўваюць сувязі філасофскай навукі з грамадскай практыкай або актыўна садзейнічаюць гэтаму. Створана ў 1992 годзе (з 1973 года існавала як Беларускае аддзяленне філасофскага таварыства СССР). Асноўныя задачы: дапамога членам таварыства ў пашырэнні і паглыбленні спецыяльных ведаў, павышэнні іх ідэйна-тэарытычнага і метадалагічнага ўзроўню, удзел у рабоце навуковых форумаў, укараненне ў практыку вынікаў навуковай распрацоўкі праблем філасофіі, актыўных метадаў яе выкладання і прапаганды дасягненняў беларускіх філосафаў; ажыццяўленне навуковых сувязяў з філасофскімі таварыствамі іншых краін і міжнароднымі навуковымі арганізацыямі ў галіне філасофіі; ажыццяўленне выдавецкай і рэкламнай дзейнасці. Арганізацыяй выдадзены зборнікі «Праблемы развіцця сучаснай філасофіі» (1994), «Праблемы грамадскай свядомасці» (1995) і іншае[1].
Зноскі
- ↑ У. К. Лукашэвіч. Беларускае філасофскае таварыства // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 402.
Літаратура[правіць | правіць зыходнік]
- Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).