Беліз (горад)

Беліз Сцяг Краіна  Беліз Каардынаты 17°29′55″ пн. ш. 88°11′19″ з. д. Заснаваны 1638 Плошча 35,667 км² Вышыня цэнтра 0 м Водныя аб’екты Карыбскае мора Насельніцтва 57 169 чал. (2010) Часавы пояс CDT[d] Афіцыйны сайт belizecitycouncil.org Беліз на карце Беліза

Медыяфайлы на Вікісховішчы

Беліз (англ.: Belize) — найбуйнейшы горад і порт у дзяржаве Беліз. Размешчаны на беразе Карыбскага мора, ва ўсходняй частцы Беліза.

Гісторыя

Заснаваны англійскімі маракамі ў канцы XVII стагоддзя, ля вусця ручая Оўлавер. Выкарыстоўваўся як перавалачная база для лесагандляроў і лесанарыхтоўшчыкаў.

Першапачаткова Беліз з'яўляўся сталіцай дзяржавы, але ў 1961 годзе ўраган Хэці нанёс гораду істотны ўрон, пасля чаго, у 1970-я гады, сталіца была перанесена ўглыб краіны, у горад Бельмапан. У горадзе застаецца рэзідэнцыя прэм'ер-міністра і ўраду краіны.

Транспарт

Марскі порт. Муніцыпальны аэрапорт з міжнародным тэрміналам (код TZA), прыкладна за 3 км на поўнач ад цэнтра горада. Міжнародны аэрапорт Беліз Сіці Філіп Голдсан (Belize City Philip S. W. Goldson International Airport), за 16 км на паўночны захад ад г. Беліз, код BZE.

Памятныя мясціны

• Сабор Святога Іаана (1812—1847 гг.) — самы стары англіканскі храм у Цэнтральнай Амерыцы.
• Музей Беліза ў будынку старой турмы (1857 г.).
• Прыбярэжны Занальны музей (экспазіцыя па экалогіі рыфаў) і Марскі Музей (збор мадэляў і дакументаў па мараплаўстве) у будынку былога Пажарнага дэпо (1923 г.).