Дзяржаўныя пасады Рэспублікі Беларусь
Дзяржаўная пасада, у Рэспубліцы Беларусь — пасада, прадугледжаная Канстытуцыяй Рэспублікі Беларусь, Законам «Аб дзяржаўнай службе ў Рэспубліцы Беларусь» і іншымі заканадаўчымі актамі, або пасада, усталяваная як штатная адзінка дзяржаўнага органа з вызначаным для асобы, якая яе займае, колам абавязкаў па выкананню і забеспячэнню паўнамоцтваў гэтага дзяржаўнага органа.
Не адносяцца да дзяржаўных пасад пасады, якія ўключаны ў штатны расклад дзяржаўнага органа ў мэтах тэхнічнага абслугоўвання і забеспячэння дзейнасці гэтага органа.
Для ўліку дзяржаўных пасад дзяржаўных органаў створаная сістэма кадравага рэестра — сістэма ўліку дзяржаўных пасад дзяржаўных органаў краіны. У Рэспубліцы Беларусь вядуцца кадравы рэестр Кіраўніка дзяржавы Рэспублікі Беларусь, кадравы рэестр Урада Рэспублікі Беларусь, кадравыя рэестры абласных і Мінскага гарадскога выканаўчых камітэтаў. У іх уключаюцца вышэйшыя дзяржаўныя пасады Рэспублікі Беларусь, іншыя дзяржаўныя пасады, прызначэнне (узгадненне прызначэння) на якія ажыццяўляюцца адпаведна Прэзідэнтам Рэспублікі Беларусь, Прэм’ер-міністрам Рэспублікі Беларусь, старшынямі абласных і Мінскага гарвыканкама.
Вышэйшыя дзяржаўныя пасады Рэспублікі Беларусь[правіць | правіць зыходнік]
Пералік вышэйшых дзяржаўных пасад Рэспублікі Беларусь устаноўлены Указам Прэзідэнта Рэспублікі Беларусь ад 8 лістапада 2001 № 644 «Аб зацвярджэнні кадравага рэестра Кіраўніка дзяржавы Рэспублікі Беларусь»[1] і ўключае ў сябе наступныя дзяржаўныя пасады:
- Прэм’ер-міністр Рэспублікі Беларусь
- Старшыня Савета Рэспублікі Нацыянальнага схода Рэспублікі Беларусь
- Старшыня Палаты прадстаўнікоў Нацыянальнага схода Рэспублікі Беларусь
- Старшыня Канстытуцыйнага Суда Рэспублікі Беларусь
- Старшыня Вярхоўнага Суда Рэспублікі Беларусь
- Кіраўнік Адміністрацыі Прэзідэнта Рэспублікі Беларусь
- Дзяржаўны сакратар Савета Бяспекі Рэспублікі Беларусь
- Старшыня Камітэта дзяржаўнага кантроля Рэспублікі Беларусь
- Генеральны пракурор Рэспублікі Беларусь
- Старшыня Праўлення Нацыянальнага банка Рэспублікі Беларусь
- Кіраўнік справамі Прэзідэнта Рэспублікі Беларусь