Вячаслаў Андрэевіч Дубінка
Вячаслаў Андрэевіч Дубінка | |
---|---|
Род дзейнасці | пісьменнік, фатограф, мастак |
Дата нараджэння | 17 снежня 1941 ці 1942 |
Месца нараджэння | |
Дата смерці | 10 жніўня 2010 |
Месца смерці | |
Грамадзянства | |
Месца працы | |
Член у |
Вячаслаў Андрэевіч Дубінка (17 снежня 1941 ці 1942, Слуцк, Мінская вобласць — 10 жніўня 2010, Мінск) — беларускі пісьменнік, мастак, фатограф, майстар народнай творчасці.
Біяграфія[правіць | правіць зыходнік]
Нарадзіўся 17 снежня 1941 года ў г. Слуцку Мінскай вобласці.
У 1958—1961 гадах вучыўся ў Чарнавіцкім тэхнікуме чыгуначнага транспарту. Прафесія — майстар-будаўнік.
У 1961—1963 гадах працаваў майстрам, прарабам будаўнічага ўпраўлення, узводзіў ваенныя аб’екты ў Мазыры, Ельску, Петрыкаве, Бабруйску.
Член Саюза пісьменнікаў Беларусі з 1988 года, член Саюза мастакоў Беларусі з 2003 года, член Саюза народных майстроў Беларусі з 2002 года.
Творчасць[правіць | правіць зыходнік]
Фатаграфія[правіць | правіць зыходнік]
У 1963 годзе захапіўся фатаграфіяй, уладкаваўся фотакарэспандэнтам у слуцкую раённую газету «Шлях Ільіча», там жа апублікаваў свой першы аповед. У 1964—1979 гадах — фотакарэспандэнт раённых газет Беларусі: «Будаўнік камунізму» (Любань, 1964—1965), «Шахцёр» (Салігорск, 1965—1966), рэспубліканскіх газет: «Звязда» (1966—1971), «Чырвоная змена» (1972—1974), студыі «Фота і жыццё» Саюза журналістаў Беларусі (1974—1976). Фатограф рэстаўрацыйнай майстэрні Міністэрства культуры БССР (1979—1981). З 1981 года — у часопісе «Беларусь».
Прызёр шматлікіх міжнародных фотавыставаў. Медаль на «Інтэр-прэс-81», Масква 1981 г.
Літаратура[правіць | правіць зыходнік]
Першая аповесць — «Не плач, душа мая» — апублікавана ў часопісе «Маладосць» у 1981 годзе, у 1983 годзе — выйшла асобнай кнігай.
Сярод іншых яго твораў:
- «Паплач ля роднай крынічкі», 1981
- «Ой, зялёны дубочак…», 1983
- «Браты святой ночы», 1986
- «Развітальная песня», 1989
- «Сіндыкат Мані Дулі», 1992
Выразка з паперы[правіць | правіць зыходнік]
Выразкай з паперы пачаў займацца ў 1968 годзе падчас шматлікіх камандзіровак, доўгіх чаканняў на вакзалах і аэрапортах, у цягніках і самалётах, успамінаючы, як калісьці яго маці ў пасляваенныя гады ўпрыгожвала выразкамі з паперы вокны, сцены і нават навагоднюю ёлку. Менавіта Дубінка адзін з першых у Беларусі адрадзіў гэты забыты народны від мастацтва. Паступова на месца простым немудрагелістым узорам прыйшлі складаныя мастацкія кампазіцыі з казачных птушак і звяроў, дрэў, кветак, казачных сюжэтаў і нават помнікаў архітэктуры. Удзельнічаў у шматлікіх выставах, прызёр выставы «Выцінанкі ўсяго свету» (Вільнюс, 1989). Аформіў выразкай кнігі паэзіі, дзіцячыя казкі.
Працы В.Дубінкі захоўваюцца ў Нацыянальным мастацкім музеі Рэспублікі Беларусь, музеях Масквы, Санкт-Пецярбурга, Харкава, Львова, Чалябінска, Польшчы, Германіі, у прыватных зборах і калекцыях.
Узнагароды і прэміі[правіць | правіць зыходнік]
- Дыплом Міністэрства культуры БССР за ўдзел у міжнароднай выставе «Сямігодка ў дзеянні», 1966
- Дыплом Міністэрства культуры БССР і праўлення Саюза журналістаў БССР за ўдзел у рэспубліканскай выставе дакументальнага і мастацкага фота. Мінск, 1967
- Дыплом 1 ступені рэспубліканскага праўлення навукова-практычных грамадскіх выдавецтваў «за поспехі, дасягнутыя ў мастацка-тэхнічным афармленні». За афармленне кнігі А. Вольскага «Жывыя літары»
- Аўтар найлепшай публікацыі часопіса «Маладосць» за 1981 год
- Медаль на «Інтэр-прэс-81». Масква, 1981
- Дыплом Францыска Скарыны за афармленне кніг. Мінск, 1984
- Пераможца творчага конкурсу на лепшую публікацыю часопіса «Беларусь», 1987
- Прызёр выставы «Выцінанкі ўсяго свету». Вільнюс, 1989
Спасылкі[правіць | правіць зыходнік]
- Художественное вырезание: форма и цвет [Текст] : материалы 6-го международного симпозиума, посвящённого памяти В. А. Дубинко и В. Н. Червонцевой / Домодедовский МБУК «Историко-художественный музей», Междунар. клуб «Бумажные традиции»; [сост. и отв. ред. Петриченко А. А.]. — Москва : ИП Скороходов В. А., 2016. — 271 с. : цв. ил.; 21 см; ISBN 978-5-9907734-4-8
- Национальная библиотека Беларуси
- Энциклопедия «Этнаграфія Беларусі»
- Альбом «Сучасная беларуская выцінанка»(недаступная спасылка)
- А. В. Вольскі «Жывыя літары» (Национальная библиотека Беларуси)(недаступная спасылка)
- «Наша Ніва» 29.06.2012
- Национальный художественный музей Республики Беларусь(недаступная спасылка)
- Радые Свабода
- «Звязда»
- naviny.by
- Этномагазин «Рагна»
- Вячеслав Дубинка — возрождение вытинанки.
- Асобы
- Нарадзіліся 17 снежня
- Нарадзіліся ў 1941 годзе
- Нарадзіліся ў 1942 годзе
- Нарадзіліся ў Слуцку
- Памерлі 10 жніўня
- Памерлі ў 2010 годзе
- Памерлі ў Мінску
- Супрацоўнікі газеты «Звязда»
- Супрацоўнікі газеты «Чырвоная змена»
- Супрацоўнікі часопіса «Беларусь»
- Члены Саюза беларускіх пісьменнікаў
- Члены Беларускага саюза мастакоў
- Пісьменнікі Беларусі
- Мастакі Беларусі
- Фатографы Беларусі