Вячаслаў Пятровіч Палескі
Вячаслаў Пятровіч Палескі | |
---|---|
Асабістыя звесткі | |
Дата нараджэння | 3 лістапада 1912[1] |
Месца нараджэння | |
Дата смерці | 18 чэрвеня 1971[1] (58 гадоў) |
Грамадзянства | |
Месца працы |
|
Прафесійная дзейнасць | |
Род дзейнасці | драматург, перакладчык |
Мова твораў | беларуская |
Грамадская дзейнасць | |
Член у | |
Узнагароды | |
Творы ў Вікікрыніцах |
Вячасла́ў Пятровіч Пале́скі (сапр. Станкевіч; 21 кастрычніка (3 лістапада) 1912, в. Астрагляды, Рэчыцкі павет, Мінская губерня, Расійская імперыя — 18 чэрвеня 1971) — беларускі драматург, заслужаны дзеяч культуры Беларускай ССР (1967).
Біяграфія[правіць | правіць зыходнік]
У 1929 годзе скончыў дзевяцігадовую школу з педагагічным ухілам[2]. Працаваў настаўнікам у школе ў вёсцы Лазараўка Рэчыцкага раёна[2]. З 1930 года працаваў у газеце «Палеская праўда», «Савецкая Беларусь», «Калгаснік Беларусі», у 1941—1944 гадах — на радыёстанцыі «Савецкая Беларусь» у Маскве. З 1944 года адказны сакратар, намеснік рэдактара газеты «Звязда». З 1961 года намеснік старшыні, у 1965—1971 гадах старшыня Дзяржаўнага камітэта Савета Міністраў БССР па радыёвяшчанні і тэлебачанні.
Дэпутат Вярхоўнага Савета БССР 8-га склікання. На XXVI з’ездзе КПБ быў абраны членам Рэвізійнай камісіі КПБ, на XXVII з’ездзе КПБ быў абраны членам ЦК КПБ[3]. Член Саюза пісьменнікаў СССР з 1949 года[2].
Творчасць[правіць | правіць зыходнік]
Дэбютаваў у 1928 годзе вершам[2]. Друкаваўся з 1930 года. Аўтар п’ес пра пасляваеннае аднаўленне народнай гаспадаркі, калектывізацыю і жыццё калгаснай вёскі «Песня нашых сэрцаў» (пастаўлена ў 1949), «Калі зацвітаюць сады» (пастаўлена ў 1950), «Гарачыя пірагі» (1958). Пераклаў на беларускую мову п’есы «Палата» С. Алёшына і «Ноч памылак» О. Голдсміта[2].
Творы[правіць | правіць зыходнік]
- П’есы. — Мн., 1976.
Узнагароды[правіць | правіць зыходнік]
- Заслужаны дзеяч культуры БССР (1967)
- Ордэн Працоўнага Чырвонага Сцяга[2]
- 2 ордэны «Знак Пашаны»[2]
Зноскі[правіць | правіць зыходнік]
Літаратура[правіць | правіць зыходнік]
- Пале́скі (сапр. Станкевіч) Вячаслаў Пятровіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 550. — 10 000 экз. — ISBN 985-11-0035-8. — ISBN 985-11-0188-5 (т. 11).
- Вячаслаў Палескі // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 413. — 653 с.: іл. — 22 000 экз. — ISBN 5-340-00709-X.
Спасылкі[правіць | правіць зыходнік]
- Палескі (сапраўднае Станкевіч) Вячаслаў Пятровіч на сайце анлайн-энцыклапедыі «Беларусь у асобах і падзеях»
- Нарадзіліся 3 лістапада
- Нарадзіліся ў 1912 годзе
- Нарадзіліся ў Рэчыцкім павеце (Расійская імперыя)
- Памерлі 18 чэрвеня
- Памерлі ў 1971 годзе
- Супрацоўнікі газеты «Звязда»
- Члены ЦК КПБ
- Члены Саюза пісьменнікаў СССР
- Кавалеры ордэна Працоўнага Чырвонага Сцяга
- Кавалеры ордэна «Знак Пашаны»
- Заслужаныя дзеячы культуры Беларускай ССР
- Асобы
- Пісьменнікі паводле алфавіта
- Нарадзіліся ў Брагінскім раёне
- Беларускамоўныя пісьменнікі
- Асобы, вядомыя пад літаратурнымі псеўданімамі
- Драматургі СССР
- Драматургі Беларусі
- Перакладчыкі СССР
- Перакладчыкі Беларусі
- Перакладчыкі на беларускую мову
- Перакладчыкі з англійскай мовы
- Перакладчыкі з рускай мовы
- Дэпутаты Вярхоўнага Савета БССР 8-га склікання
- Члены Рэвізійнай камісіі КПБ