Вікіпедыя:Праект:Навіны/Архіў/2020
- Тэрарыстычная атака ў Адэне, сталіцы Емена. (30 снежня)
- Памёр французскі мадэльер П’ер Кардэн. (29 снежня)
- Форвард «Барселоны» Ліянель Месі стаў найлепшым бамбардзірам у гісторыі футбола па галах за адзін клуб. (22 снежня)
- Злучэнне на небе Сатурна і Юпітэра. (21 снежня)
- Найлепшым футбалістам года па версіі ФІФА названы Роберт Левандоўскі. (17 снежня)
- Курс Bitcoin упершыню перавысіў 20 000 амерыканскіх долараў. (16 снежня)
- Поўнае сонечнае зацьменне назіралася ў Чылі і Аргенціне. (14 снежня)
- Адбылася 33-я цырымонія прысуджэння Еўрапейскай кінапрэміі. Найлепшым еўрапейскім фільмам прызнана карціна Томаса Вінтэрберга «Яшчэ па адной». (12 снежня)
- Абраны прэзідэнт ЗША Джо Байдэн і яго напарніца па перадвыбарнай гонцы Камала Харыс названы ўладальнікамі звання «Чалавек года» па версіі часопіса «Time». (10 снежня)
- Лаўрэаткай прэміі «Людзі Cвабоды — 2020» стала Ніна Багінская. (10 снежня)
- Міжнародны алімпійскі камітэт часова забараніў для ўсіх членаў выканаўчага камітэта НАК Беларусі на чале з Аляксандрам Лукашэнкам удзел у сваіх мерапрыемствах. (7 снежня)
- Памёр Дыега Марадона, адзін з найлепшых футбалістаў за ўсю гісторыю. (25 лістапада)
- Біскуп Пінскі Антоній Дзям’янка асвяціў адбудаваны касцёл Найсвяцейшай Тройцы ў Воўчыне. (22 лістапада)
- На прэзідэнцкіх выбарах у Малдове перамогу атрымала Мая Санду. (15 лістапада)
- Паведамлена аб выяўленні на тэрыторыі Сакары ў Егіпце шматлікіх старажытных саркафагаў з муміямі і пазалочаных статуй. (14 лістапада)
- Арменія і Азербайджан, пры пасярэдніцтве Расіі, падпісалі пагадненне аб спыненні ваенных дзеянняў у Нагорным Карабаху. (10 лістапада)
- Памёр народны артыст БССР Міхаіл Дрынеўскі. (9 лістапада)
- Трэцяя лінія Мінскага метро адкрываецца для пасажыраў. (7 лістапада)
- Прэзідэнт Косава Хашым Тачы сышоў у адстаўку на фоне абвінавачанняў у ваенных злачынствах і быў узяты судом пад варту. (5 лістапада)
- Адменены 27-ы Мінскі міжнародны кінафестываль «Лістапад». (5 лістапада)
- Прэзідэнцкія выбары ў ЗША, перамогу атрымаў Джо Байдэн. (3 лістапада)
- Першы энергаблок Беларускай АЭС уключаны ў энергасістэму краіны. (3 лістапада)
- Прах Змітрака Бядулі перапахавалі на Усходніх могілках Мінска. (3 лістапада)
- Здарыўся напад на сінагогу ў Вене. (2 лістапада)
- На прэзідэнцкіх выбарах у Балівіі перамог Луіс Арсэ. (18 кастрычніка)
- Галоўны прыз літаратурнай прэміі імя Ежы Гедройца атрымаў Сяргей Дубавец за кнігу «Тантамарэскі». (15 кастрычніка)
- Прэзідэнт Кыргызстана Сааранбай Жаэнбекаў сышоў у адстаўку. (15 кастрычніка)
- Памёр Валерый Іваноў, кампазітар, Народны артыст Беларусі. (15 кастрычніка)
- Памёр беларускі пісьменнік Юрка Голуб. (12 кастрычніка)
- Іспанец Рафаэль Надаль выйграў 13-ы тытул адкрытага чэмпіянату Францыі па тэнісе. (11 кастрычніка)
- У Нагорным Карабаху пачаліся чарговыя ўзброеныя сутыкненні. (27 верасня)
- У выніку авіакатастрофы пад Чугуевам (Украіна) загінулі 26 чалавек. (25 верасня)
- Прызначаны новыя рэктары Акадэміі кіравання пры Прэзідэнце Беларусі, БДМУ, ГДМУ, ГрДМУ. (21 верасня)
- У Вашынгтоне (ЗША) заключаны ізраільска-эмірацкі і бахрэйнска-ізраільскі мірныя дагаворы. (15 верасня)
- Памёр Уладзімір Адамушка, беларускі гісторык і архівіст. (10 верасня)
- «Цмокі-Мінск» сталі чэмпіёнамі Беларусі па баскетболе ў дванаццаты раз. (6 верасня)
- Мустафа Адзіб (на фота) прызначаны новым прэм’ер-міністрам Лівана. (31 жніўня)
- Быў атручаны расійскі палітык Аляксей Навальны. (20 жніўня)
- Роні О’Саліван стаў шасціразовым чэмпіёнам свету па снукеры. (16 жніўня)
- У Беларусі прайшлі прэзідэнцкія выбары. (9 жніўня)
- Два моцныя выбухі ў порце Бейрута (Ліван) прывялі да шматлікіх разбурэнняў і чалавечых ахвяр. (4 жніўня)
- Будынак Дома губернатара ў Мінску адкрыўся пасля рэстаўрацыі. (2 жніўня)
- БелТА паведаміла пра затрыманне сіламі групы Альфа КДБ Беларусі баевікоў замежнай ваеннай кампаніі Вагнера па падазрэнні ў спробе арганізацыі масавых беспарадкаў. (29 ліпеня)
- Вярхоўны суд Рэспублікі Беларусь прысудзіў былога кіраўніка Службы бяспекі Прэзідэнта Андрэя Уцюрына да 12 гадоў пазбаўлення волі за хабар. (27 ліпеня)
- Тэрарыст здзейсніў захоп закладнікаў у Луцку (Украіна). (21 ліпеня)
- Адбыліся парламенцкія выбары ў Сірыі. (19 ліпеня)
- ААЭ адправілі міжпланетны зонд «Аль-Амаль» да Марса. (19 ліпеня)
- У выніку кібератакі ўзламаны шэраг топ-акаўнтаў у Твітэры з мэтай справакаваць махлярства з біткойнам. (15 ліпеня)
- Другі тур прэзідэнцкіх выбараў у Польшчы. Дзеючы кіраўнік краіны Анджэй Дуда быў пераабраны на наступны тэрмін. (12 ліпеня)
- Пачаліся ўзброеныя сутыкненні паміж сілавікамі Арменіі і Азербайджана. (12 ліпеня)
- Памёр Эніа Марыконэ, італьянскі кампазітар, аранжыроўшчык і дырыжор. (6 ліпеня)
- Жан Кастэкс прызначаны новым прэм’ер-міністрам Францыі. (3 ліпеня)
- Скончылася агульнарасійскае галасаванне па папраўках да Канстытуцыі Расіі. (2 ліпеня)
- Пада Ржэвам урачыста адкрыты мемарыял Савецкаму салдату. (30 чэрвеня)
- Здарыўся крызіс у сістэме водазабеспячэння Мінска. (24 чэрвеня)
- Былога прэзідэнта Кыргызстана Алмазбека Атамбаева прысудзілі да 11 гадоў і 2 месяцаў пазбаўлення волі за карупцыю. (23 чэрвеня)
- Кольцападобнае сонечнае зацьменне (на фота) назіралася ў Афрыцы, Паўднёвай і Усходняй Азіі. (21 чэрвеня)
- У в. Боркі (Кіраўскі раён) адкрыты мемарыяльны комплекс памяці спаленых вёсак Магілёўскай вобласці. (20 чэрвеня)
- Праўленнем Нацыянальнага банка Рэспублікі Беларусь без ведама акцыянераў прызначана новае кіраўніцтва «Белгазпрамбанка» на чале з Надзеяй Ермаковай. (15 чэрвеня)
- Падчас пратэстаў у ЗША на тэрыторыі Сіэтла створана самаабвешчаная аўтаномія. (8 чэрвеня)
- Памёр беларускі мастак Уладзімір Басалыга. (7 чэрвеня)
- Новым прэм’ер-міністрам Беларусі прызначаны Раман Галоўчанка (на фота), напярэдадні ўрад на чале з Сяргеем Румасам адпраўлены ў адстаўку. (4 чэрвеня)
- Кампанія SpaceX у супрацоўніцтве з NASA адправіла на Міжнародную касмічную станцыю двух амерыканскіх астранаўтаў. (30 мая)
- Здарылася ўцечка дызельнага паліва ў Нарыльску (Расія), якая стварае пагрозу для экасістэмы Паўночнага Ледавітага акіяна. (29 мая)
- Памёр беларускі навуковец Міхась Міцкевіч, малодшы сын Якуба Коласа. (27 мая)
- Пасля гібелі афраамерыканца Джорджа Флойда ад дзеянняў паліцэйскага з Мінеапаліса выбухнулі масавыя пратэсты ў ЗША. (26 мая)
- Фінальны матч за Кубак Беларусі па футболе 2019/2020 адбыўся ў Мінску на стадыёне «Дынама». ФК БАТЭ атрымаў перамогу над «Дынама-Брэст». (24 мая)
- Катастрофа Airbus A320 пад Карачы ў Пакістане. (22 мая)
- Памёр заснавальнік парталу TUT.by Юрый Зісер. (17 мая)
- У Францыі арыштаваны Фелісьен Кабуга, адзін з галоўных абвінавачаных у датычнасці да генацыду ў Руандзе. (16 мая)
- Славенія стала першай краінай у Еўропе, якая аб’явіла аб афіцыйным спыненні эпідэміі COVID-19 на сваёй тэрыторыі. (15 мая)
- Палата прадстаўнікоў Нацыянальнага сходу Беларусі прызначыла чарговыя прэзідэнцкія выбары. (8 мая)
- Былы прэзідэнт Грузіі Міхаіл Саакашвілі стаў кіраўніком Выканаўчага камітэта рэформ ва Украіне. (7 мая)
- Указам Прэзідэнта Казахстана Касым-Жамарта Такаева спынены паўнамоцтвы спікера Сената Дарыгі Назарбаевай. (2 мая)
- Набліжэнне астэроіда (52768) 1998 OR2 да Зямлі. (29 красавіка)
- Затушаны лясныя пажары ў Бебжанскім нацыянальным парку (Польшча), што трывалі амаль тыдзень. (26 красавіка)
- Вярхоўны суд Саудаўскай Аравіі прыняў рашэнне адмяніць пакаранне бізунамі, якое прадугледжвала заканадаўства. (24 красавіка)
- Памёр Віктар Гур’еў, беларускі оперны спявак. (22 красавіка)
- Здзейснена масавае забойства ў Новай Шатландыі (Канада). (18—19 красавіка)
- Ад палу сухой травы згарэла большая частка вёскі Нарчы (Шчучынскі раён). (7 красавіка)
- Памёр Віктар Дашкевіч, беларускі тэатральны акцёр. Ён стаў першай пацверджанай ахвярай COVID-19 у Беларусі. (31 сакавіка)
- Памёр Кшыштаф Пендарэцкі, польскі кампазітар, дырыжор, педагог. (29 сакавіка)
- Паўночная Македонія ўступіла ў НАТА, стаўшы яго 30-м членам. (27 сакавіка)
- Беларускі пісьменнік з Польшчы Міхал Андрасюк абвешчаны лаўрэатам літаратурнай прэміі «Гліняны Вялес». (25 сакавіка)
- Летнія Алімпійскія гульні 2020 у Токіа перанесены на 2021 год. (24 сакавіка)
- Памёр беларускі археолаг Пётр Лысенка. (23 сакавіка)
- Памёр беларускі архітэктар Ігар Есьман. (14 сакавіка)
- Амерыканскага кінапрадзюсара Харві Вайнштэйна прысудзілі да 23 гадоў турмы па абвінавачванні ў сексуальным гвалце. (11 сакавіка)
- У Нідэрландах пачаўся суд па справе аб катастрофе Boeing-777 Малайзійскіх авіяліній у 2014 годзе. (9 сакавіка)
- На 101-м годзе жыцця памёр Хаўер Перэс дэ Куэльяр, былы Генеральны сакратар ААН. (4 сакавіка)
- Вярхоўная Рада Украіны адправіла ў адстаўку прэм’ер-міністра Аляксея Ганчарука і яго ўрад, новым прэм’ерам прызначаны Дзяніс Шмыгаль. (4 сакавіка)
- Грамадскі транспарт у Люксембургу стаў бясплатным. (29 лютага)
- На чэмпіянаце свету па біятлоне ў Антхольцы (Італія) нарвежка Мартэ Олсбю-Ройселан стала 5-разовай чэмпіёнкай. (23 лютага).
- Масавае забойства ў Ганау (Германія). (19 лютага)
- Пераможцам прэзідэнцкіх выбараў, якія адбыліся ў Афганістане ў канцы верасня, афіцыйна аб'яўлены Ашраф Гані. (18 лютага)
- У Лос-Анджэлесе ўручылі кінапрэмію «Оскар». Упершыню галоўную ўзнагароду атрымаў неангламоўны фільм — паўднёвакарэйская стужка «Паразіты» рэжысёра Пон Джун Хо. (9 лютага)
- Партыя Шын Фейн перамагла на парламенцкіх выбарах у Ірландыі. (8 лютага)
- Стральба ў Накханратчасіме, масавае забойства ў Тайландзе. (8 лютага)
- Сенат ЗША апраўдаў Прэзідэнта Дональда Трампа ў ходзе працэдуры імпічменту. (6 лютага)
- 73-я цырымонія прысуджэння прэміі BAFTA за дасягненні ў вобласці кінематографа адбылася ў канцэртнай зале Альберт-хол у Лондане. (2 лютага)
- Серб Новак Джокавіч у восьмы раз выйграў Адкрыты чэмпіянат Аўстраліі па тэнісе. (2 лютага)
- Вялікабрытанія афіцыйна выйшла з Еўрапейскага Саюза. (31 студзеня)
- Памёр беларускі архітэктар Марат Гроднікаў, аўтар некалькіх лядовых арэн. (29 студзеня)
- У авіякатастрофе непадалёк Лос-Анджэлеса загінуў выбітны амерыканскі баскетбаліст Кобі Браянт. (26 студзеня)
- Прэзідэнтам Грэчаскай Рэспублікі ўпершыню абрана жанчына, Катэрына Сакелярапулю. (22 студзеня)
- Прызначаныя новыя міністр абароны, начальнік Генштаба і дзяржсакратар Савета бяспекі Беларусі. (20 студзеня)
- Саміт па лівійскім урэгуляванні адбыўся ў Берліне. (19 студзеня)
- Прэм’ер-міністрам Расійскай Федэрацыі прызначаны Міхаіл Мішусцін, напярэдадні ўрад на чале з Дзмітрыем Мядзведзевым падаў у адстаўку. (16 студзеня)
- Памёр султан Амана Кабус бен Саід. (10 студзеня)
- У Пекіне адкрыты помнік Янку Купалу работы кітайскага скульптара У Вэйшаня (8 студзеня)
- Лайнер Boeing 737 авіякампаніі Міжнародныя авіялініі Украіны пацярпеў катастрофу пад Тэгеранам. (8 студзеня)
- Себасцьян Курц паўторна заняў пасаду Федэральнага канцлера Аўстрыі. (7 студзеня)
- У выніку авіяўдару ВПС ЗША ў Багдадзе забіты іранскі генерал Касем Сулеймані. (3 студзеня)