Ганна Мартынаўна Базыленка
Ганна Мартынаўна Базыленка | |
---|---|
Дата нараджэння | 4 красавіка 1908 |
Месца нараджэння | |
Дата смерці | 19 студзеня 1980 (71 год) |
Род дзейнасці | паэтка, мовазнаўца, пісьменніца, linguistics teacher |
Навуковая сфера | мовазнаўства |
Месца працы | |
Альма-матар | |
Медыяфайлы на Вікісховішчы |
Ганна Мартынаўна Базыленка (4 красавіка 1908, в. Арахі, Аршанскі павет, цяпер гарадскі пасёлак Арэхаўск, Аршанскі раён — 19 студзеня 1980) — беларуская мовазнаўца.
Біяграфія[правіць | правіць зыходнік]
У 1920-я гады ў зборніках Віцебскай маладнякоўскай філіі «Пачатак» і «Світанне», а таксама ў перыядычным друку змяшчала вершы, апавяданні, аднаактовыя п’есы пад сваім прозвішчам і пад псеўданімам Ганна Арахоўская. Закончыла Беларускі дзяржаўны ўніверсітэт (1931). Працавала ў Інстытуце мовы, літаратуры і мастацтва АН Беларусі (1933—1938), у БДУ (1944—1970; старшы выкладчык, дацэнт, у 1949—1955 гадах намеснік дэкана філалагічнага факультэта). Прымала ўдзел у стварэнні «Руска-беларускага слоўніка» 1937 года і «Практычнага беларуска-рускага слоўніка» (рукапіс загінуў падчас Вялікай Айчыннай вайны), абараніла кандыдацкую дысертацыю «Устойлівыя словазлучэнні ў мове твораў Якуба Коласа» (1952), манаграфія даследчыцы «Пабочныя і ўстаўныя словы, словазлучэнні і сказы ў беларускай літаратурнай мове» (1964) да сённяшняга дня не страціла навуковага значэння.
Г. Базыленка — аўтар шэрагу навуковых артыкулаў па праблемах сучаснай беларускай мовы, у тым ліку па пытаннях моўнага майстэрства Якуба Коласа, сааўтар падручніка «Курс сучаснай беларускай літаратурнай мовы: Марфалогія» (1957), першага тома акадэмічнай «Граматыкі беларускай мовы» (1962).
Зноскі
Літаратура[правіць | правіць зыходнік]
- Базыленка Ганна Мартынаўна // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі : у 2 кн. / рэдкал.: Г. П. Пашкоў [і інш.]. — Мн., 2000. — Кн. 2. — С. 419.
- Нарадзіліся 4 красавіка
- Нарадзіліся ў 1908 годзе
- Нарадзіліся ў Аршанскім павеце (Расійская імперыя)
- Памерлі 19 студзеня
- Памерлі ў 1980 годзе
- Супрацоўнікі Інстытута літаратуры імя Янкі Купалы НАНБ
- Выкладчыкі філалагічнага факультэта БДУ
- Выпускнікі педагагічнага факультэта БДУ
- Асобы
- Вучоныя паводле алфавіта
- Мовазнаўцы Беларусі
- Пісьменнікі Беларусі
- Беларускамоўныя паэты
- Паэтэсы Беларусі
- Беларускамоўныя пісьменнікі
- Віцебская філія Маладняка