Гардзееўка (Бранская вобласць)
Сяло
Гардзееўка
| ||||||||||||||||||||||
Гардзе́еўка (руск.: Гордеевка; былая назва — Гардзе́ева Бу́да) — сяло ў Бранскай вобласці Расіі. Адміністрацыйны цэнтр Гардзееўскага раёна. Адно з найбуйных і найбольш добраўпарадкаваных сёлаў Бранскай вобласці. Насельніцтва 3 014 чал. (2010).
Геаграфія[правіць | правіць зыходнік]
Размешчане на рацэ Паконка (басейн Дняпра). Знаходзіцца за 28 км на захад ад горада Сураж, і за 29 км на паўночны захад ад горада Клінцы.
Этымалогія назвы[правіць | правіць зыходнік]
Назва сяла ўтварылася ад імя старадубскага пісара Гардзея Насікевіча, які дзякуючы ўніверсалу гетмана Івана Мазэпы заснаваў на рацэ Паконка слабаду, якая атрымала назву Гардзеева Буда.
Гісторыя[правіць | правіць зыходнік]
- 20 лістапада 1704 — першыя згадкі пра сяло пад назвай Гардзеева Буда.
- пачатак XVIII ст. — у Гардзееўцы было 18 дымоў.
- сярэдзіна XVIII ст. — у сяле была пабудаваная Царква Раства Багародзіцы, земская школа, бровар, пяньковы завод, некалькі ветракоў.
- 1768 — тут налічвалася 83 дымы і 466 жыхароў.
- 1781 — сяло ўваходзіць у склад Суражскага павета Чарнігаўскай губерні.
- 1897 — у Гардзееўцы ўжо больш за 300 дымоў і 2073 жыхара.
- 1921 — у складзе Клінцоўскага павета Гомельскай губерні.
- 1929 — цэнтр Гардзееўскага раёна Клінцоўскай акругі Заходняй вобласці.
- 1937 — у складзе Гардзееўскага раёна Арлоўскай вобласці.
- 1944 — перадаецца ў склад ізноў утворанай Бранскай вобласці.
Архітэктура[правіць | правіць зыходнік]
- Царква Раства Прасвятой Багародзіцы (2006)
Насельніцтва[правіць | правіць зыходнік]
1939 | 1959 | 1989 | 2002 | 2009 | 2010 | 2013 |
---|---|---|---|---|---|---|
▬ 2506 | ▼ 2292 | ▲ 2742 | ▲ 3066 | ▼ 3055 | ▲ 3109[1] | ▼ 3014 |
Вядомыя асобы[правіць | правіць зыходнік]
- Аляксандр Мікалаевіч Скіба (нар. 1949) — матэматык, доктар фізіка-матэматычных навук, прафесар[2].
Зноскі
- ↑ Всероссийская перепись населения 2010 года. (руск.)
- ↑ Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 453. — 10 000 экз. — ISBN 985-11-0035-8. — ISBN 985-11-0238-5 (т. 14).
Літаратура[правіць | правіць зыходнік]
- Андрэй Катлярчук. Беларусы Бранскага края. Этнічная гісторыя і сучаснасць Архівавана 22 снежня 2015. // ARCHE, 2-2001 (Народны нумар)