Георг Людвіг фон Маўрэр

Георг Людвіг фон Маўрэр
ням.: Georg Ludwig von Maurer
Нараджэнне	2 лістапада 1790(1790-11-02) Erpolzheim[d], Freinsheim[d], Bad Dürkheim (district)[d], Рэйнланд-Пфальц
Смерць	9 мая 1872(1872-05-09) (81 год) Мюнхен, Верхняя Баварыя, Баварыя, Германская імперыя
Месца пахавання	Старыя паўднёвыя могілкі[d]
Дзеці	Konrad von Maurer[d]
Член у	Баварская акадэмія навук Пруская акадэмія навук
Адукацыя	Гайдэльбергскі ўніверсітэт
Дзейнасць	гісторык права, гісторык, палітык, выкладчык універсітэта, дыпламат, юрыст
Месца працы	Мюнхенскі ўніверсітэт Людвіга-Максіміліяна
Узнагароды	ганаровы доктар Венскага ўніверсітэта[d]
Медыяфайлы на Вікісховішчы

Георг Людвіг фон Маўрэр (ням.: Georg Ludwig von Maurer; 2.11.1790, Эрпальцгайм, каля г. Дзюркгайм, Германія — 9.5.1872) — нямецкі дзяржаўны дзеяч, гісторык, стваральнік абшчыннай тэорыі.

Біяграфія

З 1826 прафесар права ў Мюнхенскім універсітэце. Займаў вышэйшыя пасады ў судовым ведамстве Баварыі. У 1832—34 адзін з рэгентаў пры грэчаскім каралю Атоне І Баварскім, рэарганізаваў там судовую сістэму, зрабіў грэчаскую царкву незалежнай ад візантыйскага патрыярха. У 1847 фактычна старшыня баварскага ўрада (міністр замежных спраў і юстыцыі). Быў прыхільнікам канстытуцыйнай манархіі, якая, на яго думку, павінна засноўвацца на абшчынных прынцыпах. Даследаваў гісторыю маркі ў Германіі; лічыў яе рэшткамі першапачатковага аграрнага камунізму, характэрнага для старажытных германцаў. Аўтар 12-томнай серыі прац, прысвечаных развіццю сацыяльна-эканамічнага ладу Германіі ў сярэднявеччы, у т.л. «Гісторыі стану марак у Германіі» (1856), «Гісторыі панскіх двароў, сялянскіх двароў і стану сядзіб у Германіі» (т. 1—4, 1862—63), «Гісторыі стану вёскі ў Германіі» (т. 1—2, 1865—66).

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).