Гідрадыкцыён[1] (Hydrodictyon) — род прэснаводных зялёных водарасцей парадку пратакокавых. Слаявішча да 1 м даўжынёй, мае выгляд торбападобнай сеткі, якая вольна плавае па вадзе. Бакі пяцёлак утвораны асобнымі мнагаядравымі клеткамі даўжынёй да 1,5 см. Пры бясполым размнажэнні зааспоры (іх бывае да 20 000 у адной клетцы), знаходзячыся ў матчынай клетцы, складваюцца ў новую сетку; палавы працэс — ізагамія.