Капліца Маці Божай (Вістычы)
Славутасць | |
Капліца Маці Божай | |
---|---|
52°12′14″ пн. ш. 23°41′13″ у. д.HGЯO | |
Краіна | |
Месцазнаходжанне | |
Архітэктурны стыль | класіцызм |
Дата пабудовы | XVIII стагоддзе |
Статус | Гісторыка-культурная каштоўнасць Беларусі, шыфр 113Г000076 |
Медыяфайлы на Вікісховішчы |
Капліца Маці Божай — каталіцкая капліца на ўсходняй ускраіне вёскі Вістычы Брэсцкага раёна, непадалёку ад касцёла. Пабудавана ў XVIII стагоддзі з цэглы. Унесена ў Дзяржаўны спіс гісторыка-культурных каштоўнасцей Беларусі як «Вежа ўязной брамы былой сядзібы», рашэннем Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь ад 13 мая 2022 года назва была выпраўлена[1].
Архітэктура[правіць | правіць зыходнік]
Помнік архітэктуры класіцызму. Вырашана калонай, узведзенай на высокі 4-гранны пастамент. Калона накрыта шатровым дашкам, завершаным скульптурай Маці Божай (існавала да Вялікай Айчыннай вайны). Ніжні ярус крапаваны лучковымі нішамі, у франтальнай мемарыяльная дошка з надпісам «Калона Божай Маці. Пастаўлена ў XVIII ст. Сімвал гонару і магутнасці заможных уласнікаў гэтых мясцін. Мае гістарычную, архітэктурную і мастацкую каштоўнасць. Ахоўваецца дзяржавай».
Зноскі
Літаратура[правіць | правіць зыходнік]
- Капліца Маці Божай // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 60. — 488 с. — ISBN 978-985-11-0395-5.
Спасылкі[правіць | правіць зыходнік]
- На Вікісховішчы ёсць медыяфайлы па тэме Капліца Маці Божай (Вістычы)
- Капліца Маці Божай (Вістычы) на сайце Глобус Беларусі (руск.)