Леанід Аляксандравіч Каравайка
Леанід Каравайка | |||||||
---|---|---|---|---|---|---|---|
| |||||||
|
|||||||
Кіраўнік урада | Вячаслаў Кебіч Міхаіл Чыгір |
||||||
Папярэднік | пасада заснавана | ||||||
Пераемнік | Вадзім Лазерка | ||||||
|
|||||||
Кіраўнік урада | Уладзімір Ярмошын | ||||||
Папярэднік | Мікалай Крэчка | ||||||
Пераемнік | Міхаіл Аляксейчык | ||||||
|
|||||||
Нараджэнне |
19 чэрвеня 1954 (69 гадоў) |
||||||
Дзеці | Андрэй, Алег | ||||||
Веравызнанне | каталік | ||||||
Адукацыя |
Леанід Аляксандравіч Каравайка (нар. 19 чэрвеня 1954, Бярозаўка, Лідскі раён, Гродзенская вобласць) — беларускі дыпламат, першы генеральны консул Беларусі ў Амерыцы. Мае дыпламатычны ранг надзвычайнага і паўнамоцнага пасланніка другога класа.[1]
Біяграфія[правіць | правіць зыходнік]
У 1976 годзе скончыў перакладчыцкі факультэт Мінскага дзяржаўнага педагагічнага інстытута замежных моў па спецыяльнасці французская і англійская мовы. Акрамя французскай і англійскай валодае польскай і сербскай мовамі.
Пасля заканчэння вышэйшай навучальнай установы кароткі час працаваў у Беларускім таварыстве сяброўства і сувязяў з замежнымі краінамі. З 1981 па 1987 год працаваў у сакратарыяце ААН у Нью-Ёрку. Пасля вяртання з Нью-Ёрка працягнуў працу ў Беларускім таварыстве сяброўства і сувязяў з замежнымі краінамі рэферэнтам аддзела культуры.
На дыпламатычную службу ў Міністэрства замежных спраў БССР прыйшоў у 1988 годзе. Працаваў на дыпламатычных пасадах у пратакольна-консульскім, а потым — у консульскім аддзеле міністэрства. З-за адсутнасці беларускай консульскай установы ў ЗША па міждзяржаўнай дамоўленасці прызначаны ў 1992 годзе на пасаду консула Генеральнага консульства Расійскай Федэрацыі ў Нью-Ёрку.
Адначасова з заснаваннем 22 ліпеня 1993 года Генеральнага консульства Рэспублікі Беларусь у Нью-Ёрку быў прызначаны першым кіраўніком першай беларускай консульскай установы ў краінах Амерыкі[2]. Працаваў на гэтай пасадзе да 31 сакавіка 1995 года[3].
Пасля вяртання ў цэнтральны апарат Міністэрства замежных спраў працаваў з 1995 па 1997 год начальнікам упраўлення краін СНД, Цэнтральнай і Усходняй Еўропы, а пазней — начальнікам сакратарыята міністэрства.
З 1997 па 1998 год працаваў у місіі АБСЕ ў Босніі і Герцагавіне.
З 1998 па 2001 год працаваў начальнікам консульскага ўпраўлення МЗС Беларусі.
З 21 красавіка 2001 года да 24 мая 2007 года быў Генеральным консулам Рэспублікі Беларусь у Беластоку.[4][5].
Пасля вяртання на Радзіму і да чэрвеня 2012 года працаваў начальнікам упраўлення па пытаннях уезду замежнікаў галоўнага консульскага ўпраўлення МЗС Беларусі.
З чэрвеня 2012 года па лістапад 2013 года — загадчык консульскага аддзела, старэйшы дарадца пасольства Беларусі ў Маскве.
Зноскі
- ↑ Указ Президента Республики Беларусь от 4 февраля 2002 г. №83 «О присвоении Л. А. Коровайко дипломатического ранга Чрезвычайного и Полномочного Посланника второго класа» (руск.)
- ↑ Постановление Совета Министров Республики Беларусь от 22 июля 1993 г. №487 «Об открытии Генерального консульства Республики Беларусь в г.Нью-Йорке» (руск.)
- ↑ Постановление Кабинета Министров Республики Беларусь от 31 марта 1995 г. №182 «О назначении В. И. Лазерко Генеральным консулом Республики Беларусь в Нью-Йорке и освобождении от этой должности Л. А. Коровайко» Архівавана 27 мая 2012. (руск.)
- ↑ Пастанова Савета Міністраў Рэспублікі Беларусь ад 21 красавіка 2001 г. № 578 «Аб назначэнні Л.А.Каравайкі Генеральным консулам Рэспублікі Беларусь у г.Беластоку (Рэспубліка Польшча)»(недаступная спасылка)
- ↑ Пастанова Савета Міністраў Рэспублікі Беларусь ад 24 мая 2007 г. № 670 «Аб вызваленні Л.А.Каравайкі ад пасады Генеральнага консула Рэспублікі Беларусь у г.Беластоку (Рэспубліка Польшча)»(недаступная спасылка)
Спасылкі[правіць | правіць зыходнік]
- Белорусские дипломаты: «Шаг Чехии вызвал глубокое недоумение» Архівавана 2 студзеня 2013. на сайце Газета «Туризм и отдых» Архівавана 2 студзеня 2013.
- Беларусь и мир: паритет — начало всех начал Архівавана 2 студзеня 2013. на сайце Газета «Туризм и отдых» Архівавана 2 студзеня 2013.
- Консульская служба защищает интересы граждан Беларуси
- Дзень Рэспублікі / А.Максімюк. — Ніва. — 2001. — 15 ліпеня, № 28 (2357) Архівавана 10 жніўня 2010.
- В Беловеже открыт первый туристический КПП на сайце Polskie Radio Архівавана 3 лістапада 2012.