Ляскавіцкі сельсавет (Акцябрскі раён)
Ляскавіцкі сельсавет | |
---|---|
Краіна | Беларусь |
Уваходзіць у | Акцябрскі раён |
Уключае | 3 населеныя пункты |
Адміністрацыйны цэнтр | Ляскавічы |
Дата ўтварэння | 20 жніўня 1924 |
Дата скасавання | 27 снежня 2022 |
Насельніцтва (2019) | 524 |
Часавы пояс | UTC+03:00 |
Код аўтам. нумароў | 3 |
Ля́скавіцкі сельсаве́т — былая адміністрацыйна-тэрытарыяльная адзінка ў складзе Акцябрскага раёна Гомельскай вобласці. Адміністрацыйны цэнтр — вёска Ляскавічы.
Гісторыя[правіць | правіць зыходнік]
Утвораны 20 жніўня 1924 года ў складзе Глускага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Глускім раёне БССР. З 20 лютага 1938 года ў Глускім раёне Палескай вобласці. З 28 чэрвеня 1939 года ў складзе новаўтворанага Акцябрскага раёна Палескай вобласці, цэнтр — вёска Забалацце, з 20 верасня 1944 года — Бабруйскай вобласці, з 8 студзеня 1954 года — Гомельскай вобласці. З 25 снежня 1962 года па 30 ліпеня 1966 года ў складзе Светлагорскага раёна. 17 лістапада 1980 года цэнтр сельсавета перанесены з вёскі Забалацце ў Ляскавічы[1]. 25 мая 1989 года ў склад Парэцкага сельсавета перададзена вёска Харомцы[2]. 27 снежня 2022 года скасаваны, тэрыторыя далучана да Парэцкага сельсавета[3].
Склад[правіць | правіць зыходнік]
На 1 студзеня 1974 года ў складзе сельсавета было 6 населеных пунктаў[4]. У склад Ляскавіцкага сельсавета да 1998 года ўваходзіла вёска Заверхлессе (у наш час не існуе).
На момант скасавання ў склад сельсавета ўваходзілі 3 населеныя пункты: вёскі Альбінск, Забалацце і Ляскавічы.
Насельніцтва[правіць | правіць зыходнік]
Насельніцтва сельсавета аводле перапісу 2009 года складала 699 чалавек[5], з іх 97,9 % — беларусы, 1,3 % — рускія, 0,8 % — украінцы[6]; паводле перапісу 2019 года — 524 чалавекі[7].
Зноскі
- ↑ Рашэнне выканкома Гомельскага абласнога Савета народных дэпутатаў ад 17 лістапада 1980 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1980, № 36 (1662).
- ↑ Рашэнне выканкома Гомельскага абласнога Савета народных дэпутатаў ад 25 мая 1989 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1989, № 22 (1972).
- ↑ Решение Гомельского областного Совета депутатов от 27 декабря 2022 г. № 424 Об изменении административно-территориального устройства Октябрьского района Гомельской области
- ↑ Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 94. — 248 с. — 10 000 экз.
- ↑ Колькасць насельніцтва населеных пунктаў Гомельскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Гомельскай вобласці Беларусі паводле перапісу 2019 года
Літаратура[правіць | правіць зыходнік]
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.