Магутны Божа (фестываль)

З Вікіпедыі, свабоднай энцыклапедыі
Магутны Божа
Жанр музычны
Гады правядзення 1993—2019
Краіна  Беларусь
Горад Магілёў
Мова песень беларуская, замежныя
Тэматыка духоўная музыка
У паняцця ёсць і іншыя значэнні, гл. Магутны Божа (значэнні).

«Магу́тны Бо́жа» — фестываль духоўнай музыкі, які праводзіўся ў Магілёве з 1993 да 2019 года.

Гісторыя[правіць | правіць зыходнік]

Назва фестывалю паходзіць ад аднайменнага вершу Наталлі Арсенневай, пакладзенага на музыку Міколам Равенскім. Усе ўдзельнікі фестывалю павінны выканаць гэты гімн на мове арыгіналу[1][2].

Упершыню адбыўся ў ліпені 1993 года. Да 2008 года праводзіўся штогод, пасля адбыўся трохгадовы перапынак[3]. Арганізатары фестывалю: магілёўская рымска-каталіцкая парафія Унебаўзяцця Найсвяцейшай Дзевы Марыі, Фонд адраджэння хрысціянскай культуры «Магутны Божа», аддзел па справах культуры Магілёўскага гарвыканкама. Першыя фестывалі падтрымлівалі Беларускі народны фронт «Адраджэнне», Фонд Сораса, грамадскі камітэт «Дзеці Чарнобыля». Ад 2015 года фестываль ладзіўся раз на два гады, апошні арганізоўвалі ў 2019 годзе, і па плане XXIV фестываль павінен быў прайсці ў 2021 годзе. Звычайна мерапрыемства праходзіла вясной ці летам, аднак да 30 жніўня інфармацыі пра фестываль так і не з’явілася[4].

Мерапрыемства аб’ядноўвала больш за 900 салістаў і творчых калектываў з розных краін, у праграме былі конкурсы вакалістаў і харавых калектываў, духоўныя спектаклі, свята звонавай музыкі, канцэртныя выступленні. Таксама ладзіліся канферэнцыі, на якіх абмяркоўваліся актуальныя пытанні рэлігіі і веравызнання, узаемадзеяння Царквы і дзяржавы.

Удзел бяруць прадстаўнікі розных хрысціянскіх дэнамінацый. У фестывалі, акрамя беларусаў, у розныя гады бралі ўдзел госці з Балгарыі, Бразіліі, Венесуэлы, Вялікабрытаніі, Ганы, Іспаніі, Грузіі, Даніі, Злучаных Штатаў Амерыкі, Ізраіля, Італіі, Камеруна, Кітая, Кубы, Латвіі, Літвы, Малдовы, Мексікі, Нігерыі, Нідэрландаў, Германіі, Пакістана, Польшчы, Перу, Расіі, Сальвадора, Сербіі, Таджыкістана, Украіны.

Зноскі

  1. ↑ Магілёў: пачаўся фестываль духоўнай музыкі «Магутны Божа». Культура. Радыё «Свабода» (23 чэрвеня 2008). Праверана 13 ліпеня 2016.
  2. ↑ Пушкін, Ігар. Гісторыя фестываля «Магутны Божа» ў поўным аб’ёме(недаступная спасылка). Таварыства беларускай мовы імя Францыска Скарыны ў Магілёве (30 чэрвеня 2008). Архівавана з першакрыніцы 27 жніўня 2018. Праверана 13 ліпеня 2016.
  3. ↑ Могилевское телевидение 2-й канал.. Фест «Магутны Божа» яшчэ афіцыйна не распачаўся, але ўжо захапіў сабою Магілёў(недаступная спасылка). Кругагляд. TUT.BY (26 чэрвеня 2012). Архівавана з першакрыніцы 28 мая 2016. Праверана 13 ліпеня 2016.
  4. ↑ katolik.life

Літаратура[правіць | правіць зыходнік]

  • Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
  • Культура праз прызму духоўнасці: матэрыялы Міжнароднай навуковай канферэнцыі 16-17 ліпеня 2007 года / укладальнікі: А. В. Яшмеццеў, А. В. Сердзюкоў. — Магілёў, 2007. — С. 145—159.

Спасылкі[правіць | правіць зыходнік]

Узята з "https://be.wikipedia.org/w/index.php?title=Магутны_Божа_(фестываль)&oldid=4731429"