Муя Вээтам

Муя Вээтам
Асабістыя звесткі
Псеўданімы	Muia Veetamm
Дата нараджэння	2 сакавіка 1907(1907-03-02)
Месца нараджэння	Kirivalla[d], Kõue Rural Municipality[d], Хар’юмаа, Эстонія
Дата смерці	15 снежня 1995(1995-12-15) (88 гадоў)
Месца смерці	Талін, Талін, Хар’юмаа, Эстонія
Пахаванне	Лясныя могілкі
Грамадзянства	Эстонія
Муж	Aleksander Ristmägi[d]
Прафесійная дзейнасць
Род дзейнасці	пісьменніца, паэтка, перакладчыца, актрыса

Му́я Вэ́этам (эст.: Muia Veetamm, сапраўднае імя Эльтс Ры́стмягі (эст.: Elts Ristmägi); нар. 2 сакавіка 1907, Трыйгійская воласць, павет Хар’ю, Эстонія — 15 снежня 1995, Талін, Эстонія) — эстонская пісьменніца.

У 1929—1931 гадах вучылася ў Талінскім каледжы Таварыства народных універсітэтаў. Друкавалася з 1936 года.

Творчасць

У кнігах вершаў «Вачамі і сэрцам» (1949), «Успаміны пра пройдзены шлях» (1955) грамадзянская і пейзажная лірыка, у зборніках «Жалейка і люстэрка» (1959), «Сцяжыны і дзверы» (1968), «На мяжы мора і сушы» (1974), «Канапляны парус» (1982) актуальныя праблемы сучаснага грамадскага жыцця. Аўтар паэтычных і празаічных твораў для дзяцей, публіцыстычнай кнігі «Кветкі і карані» (1962), п'ес, лібрэта опер.

На эстонскую мову пераклала асобныя творы П. Броўкі (у зборніку «А дні ідуць», 1964), Я. Купалы (у зборніку «А зязюлька кукавала…», 1966), Я. Коласа (у зборніку «Звон шыбаў», 1968), Васіля Віткі (1980).

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх