Мі́нск-Паўночны (трансліт.: Minsk-Paŭnočny, руск.: Минск-Северный)[1] — станцыя Мінскага аддзялення Беларускай чыгункі ў Мінскім раёне Мінскай вобласці. Размешчана ў горадзе Мінску; на лініі Мінск-Пасажырскі — Маладзечна, паміж станцыяй Мінск-Пасажырскі і прыпыначным пунктам Радыятарны.
Выкарыстоўваецца як таварная станцыя і дэпо электрацягнікоў. З 5 лістапада 2011 года станцыя адкрыта для пасажыраў. Тут спыняюцца прыгарадныя цягнікі і цягнікі гарадской электрычкі.