Міхаіл Васілевіч Зюзянкоў
Міхаіл Васілевіч Зюзянкоў | |
---|---|
Дата нараджэння | 4 снежня 1936 (87 гадоў) |
Месца нараджэння | |
Род дзейнасці | урач, кардыёлаг, навуковец, выкладчык універсітэта, медыцынскі адміністратар, рэўматолаг, тэрапеўт |
Месца працы | |
Навуковая ступень | доктар медыцынскіх навук[1] (1996) |
Навуковае званне | |
Альма-матар |
|
Міхаіл Васілевіч Зюзянкоў (нар. 4 снежня 1936) — беларускі ўрач-тэрапеўт і спецыяліст у галіне кардыярэўматалогіі. Доктар медыцынскіх навук (1996), прафесар (1998)[2].
Біяграфія[правіць | правіць зыходнік]
Нарадзіўся 4 снежня 1936 года ў в. Гаўлі Буда-Кашалёўскага раёна Гомельскай вобласці ў сям’і сялян[2].
У 1954 годзе скончыў Пірэвіцкую сярэднюю школу Жлобінскага раёна з сярэбраным медалём і паступіў у Мінскі дзяржаўны медыцынскі інстытут, які скончыў у 1960 годзе. Па размеркаванні працаваў тэрапеўтам у Мазырскай 2-й абласной бальніцы Гомельскай вобласці, затым у Смалявіцкай цэнтральнай раённай бальніцы. З верасня 1963 года па сакавік 1968 года — цэхавы ўрач-тэрапеўт абутковага вытворчага аб’яднання «Прамень» г. Мінска, з мая 1968 года пераведзены ўрачом-ардынатарам кардыярэўматалагічнага аддзялення 2-й гарадской клінічнай бальніцы г. Мінска, з 1971 года па лістапад 1976 года — загадчык гэтага ж аддзялення[2].
26 лістапада 1976 года абраны па конкурсе асістэнтам 2-й кафедры шпітальнай тэрапіі Мінскага ордэна Працоўнага Чырвонага Сцяга дзяржаўнага медыцынскага інстытута, з красавіка 1991 года — дацэнт 2-й кафедры шпітальнай тэрапіі і па сумяшчальніцтве загадчык аддзела інтэрнатуры інстытута. З 1 верасня 1994 года па жнівень 2002 года — загадчык новай кафедры поліклінічнай падрыхтоўкі (з 2002 года кафедра поліклінічнай тэрапіі). З верасня 2002 года прафесар кафедры поліклінічнай тэрапіі Беларускага дзяржаўнага медыцынскага ўніверсітэта[2].
Навуковая дзейнасць[правіць | правіць зыходнік]
Галіна навуковых інтарэсаў: праблемы лячэння захворванняў сэрца[3].
Зноскі
- ↑ а б https://web.archive.org/web/20221011083708/https://www.bsmu.by/page/11/2651/
- ↑ а б в г Зюзенков Михаил Васильевич Архівавана 11 кастрычніка 2022. (руск.)
- ↑ Зюзенков, Михаил Васильевич (род. 1936) (руск.)
Літаратура[правіць | правіць зыходнік]
- Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
- Республика Беларусь : энциклопедия. Т. 3. — Минск, 2006.
Спасылкі[правіць | правіць зыходнік]
- Зюзенков Михаил Васильевич Архівавана 11 кастрычніка 2022. (руск.)