Пакаранне смерцю Марыі Сцюарт

Пакаранне смерцю Марыі Сцюарт
англ.: The Execution of Mary Stuart
Жанр	гістарычны фільм, нямое кіно і фільм жахаў
Рэжысёр	Alfred Clark[d]
У галоўных ролях	Robert Thomae[d]
Аператар	Уільям Хейз[d]
Кінакампанія	Edison Studios[d]
Працягласць	20 ± 1 с
Краіна	ЗША
Год	1895
IMDb	ID 0132134
Медыяфайлы на Вікісховішчы

«Пакаранне смерцю Марыі Сцюарт» (англ.: The Execution of Mary, Queen of Scots) — амерыканскі кароткаметражны гістарычны нямы фільм 1895 года рэжысёра Альфрэда Кларка з Робертам Томасам у галоўнай ролі. Фільм быў прадзюсаваны Томасам Эдысанам і зняты ў яго лабараторыях у Нью-Джэрсі.

Сцэнарый

У фільме паказана гістарычная падзея — пакаранне смерцю 8 лютага 1587 года Марыі Сцюарт на загад англійскай каралевы Лізаветы I.

У сюжэце 21-секунднага фільма толькі некалькі рухаў: Марыя падыходзіць да плахі, акружанай вартай і вяльможамі, кладзе на яе галаву; кат замахваецца і наносіць удар сякерай, затым падымае і паказвае публіцы адсечаную галаву.

Факты

• Фільм зняты ў жніўні 1895 года.
• Фільм зняты ў агульным плане, але з выкарыстаннем тэхнікі стоп-кадру: перад ударам сякеры спыняецца камера, акцёра, які сыграў Марыю, замяняюць манекенам, якому пасля запуску камеры кат адсякае галаву. Мабыць, гэта адзін з самых ранніх прыкладаў наўмыснага выкарыстання стоп-кадру і мантажу ў здымках аднаго эпізоду.
• Фільм лічаць першым у гісторыі сцэнічным фільмам, знятым з удзелам прафесійных акцёраў.
• У свой час фільм пакінуў моцныя ўражанні ў гледачоў, некаторыя з якіх шчыра паверылі, што дзеля здымак на праўдзе адсеклі галаву жанчыне.