Пётр Іосіфавіч Дзеншчыкоў
Пётр Іосіфавіч Дзеншчыкоў | |
---|---|
Дата нараджэння | 15 верасня 1918 |
Месца нараджэння | |
Дата смерці | 9 студзеня 1980 (61 год) |
Месца смерці | |
Узнагароды і прэміі |
Пётр Іосіфавіч Дзеншчыкоў (15 верасня 1918, г. Цюмень — 9 студзеня 1980, в. Індура, Гродзенскі раён) — работнік сельскай гаспадаркі (старшыня калгаса), Герой Сацыялістычнай Працы (1971).
Біяграфія[правіць | правіць зыходнік]
З 1921 года разам з бацькамі жыў у вёсцы Магіляны Бераставіцкага раёна Гродзенскай вобласці. З ранняга дзяцінства быў парабкам у багатых людзей. Пасля далучэння Заходняй Беларусі да СССР у 1939 годзе быў прызначаны рахункаводам новастворанага калгаса, вясной 1941 года выконваў абавязкі старшыні.
У пачатку Вялікай Айчыннай вайны быў прызваны ў Чырвоную Армію, скончыў школу авіяцыйных спецыялістаў і служыў радыстам, прымаў удзел у баях.
Пасля звальнення ў запас у 1947 годзе вярнуўся ў сяло, некаторы час працаваў загадчыкам абутковай майстэрні ў вёсцы Індура, затым быў абраны старшынёй Індурскага сельскага Савета дэпутатаў працоўных. 2 лютага 1951 годзе быў абраны старшынёй калгаса імя Сталіна (пазней — калгас «Авангард») Гродзенскага раёна, створанага пасля аб’яднання пяці невялікіх гаспадарак.
Указам Прэзідыума Вярхоўнага Савета СССР ад 8 красавіка 1971 года за выдатныя поспехі, дасягнутыя ў развіцці сельскагаспадарчай вытворчасці і выкананні пяцігадовага плана продажу дзяржаве прадуктаў земляробства і жывёлагадоўлі, Пятру Іосіфавічу Дзеншчыкову было прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат».
Узначальваў калгас да 1980 года, у 1970—1974 гадах з’яўляўся дэпутатам Вярхоўнага Савета СССР, у 1962—1965 гадах уваходзіў у склад Вярхоўнага Савета БССР, быў членам рэспубліканскага Савета калгасаў.
Памяць[правіць | правіць зыходнік]
Імя Пятра Іосіфавіча Дзеншчыкова прысвоена калгасу «Авангард» (цяпер СВК імя П. І. Дзеншчыкова), на будынку праўлення ўстаноўлена мемарыяльная дошка. Прыз імя П. І. Дзеншчыкова штогод прысуджаецца лепшай гаспадарцы Гродзенскага раёна ў вытворчасці жывёлагадоўчай прадукцыі.
Узнагароды[правіць | правіць зыходнік]
Герой Сацыялістычнай Працы (1971), узнагароджаны двума ордэнамі Леніна (18.01.1958; 08.04.1971), ордэнамі Кастрычніцкай Рэвалюцыі (29.03.1978), Працоўнага Чырвонага Сцяга (31.12.1965), медалямі, у тым ліку «За працоўную доблесць» (30.12.1948), знакамі «Выдатнік аховы здароўя СССР» і «Выдатнік народнай адукацыі СССР».
Літаратура[правіць | правіць зыходнік]
- Беларуская ССР : кароткая энцыклапедыя : у 5 т. — Мінск, 1981. — Т. 5. — С. 201.
- Белорусская ССР : краткая энциклопедия : в 5 т. — Минск, 1982. — Т. 5. — С. 196.
- Знамя юности. — 1978. — 26 марта (№ 60). — С. 2.
- Памяць : гісторыка-дакументальная хроніка Гродзенскага раёна / склад.: У. П. Верхась, У. Ф. Шуміла; рэдкал.: У. П. Верхась і інш. — Мінск, 1993. — С. 394.
- Регионы Беларуси : энциклопедия : в 7 т. — Минск, 2014. — Т. 4, кн. 1 : Гродненская область. — С. 292.
- Старшынёў хлеб : нарыс / А. Акулік. — Мінск : Мастацкая літаратура, 1984. — 165 [3] с.
- Твои герои, Беларусь! Герои Социалистического Труда : биографический справочник. — Минск, 2014. — С. 85.
- Твои герои, Гродненщина / сост.: А. В. Богуш, В. А. Жвалевский. — Минск, 1977. — С. 82-91.
- Асобы
- Нарадзіліся 15 верасня
- Нарадзіліся ў 1918 годзе
- Нарадзіліся ў Цюмені
- Памерлі 9 студзеня
- Памерлі ў 1980 годзе
- Памерлі ў Гродзенскім раёне
- Героі Сацыялістычнай Працы
- Кавалеры ордэна Леніна
- Кавалеры ордэна Кастрычніцкай Рэвалюцыі
- Кавалеры ордэна Працоўнага Чырвонага Сцяга
- Узнагароджаныя медалём «За працоўную доблесць»
- Выдатнікі аховы здароўя (СССР)
- Дэпутаты Вярхоўнага Савета БССР 6-га склікання
- Дэпутаты Вярхоўнага Савета СССР 8-га склікання
- Старшыні калгасаў