Тамбоўская вобласць

Тамбоўская вобласць
Герб Сцяг
Краіна	Расія
Гімн	Развітанне славянкі
Уваходзіць у	Расія (1991—?)
Адміністрацыйны цэнтр	Тамбоў
Дата ўтварэння	27 верасня 1937
Насельніцтва	▼965 734 чал. (1 студзеня 2023)
Плошча	34 300 км²
Часавы пояс	MSD і Еўропа/Масква[d]
Код ISO 3166-2	RU-TAM
Код аўтам. нумароў	68
Афіцыйны сайт (руск.)
Медыяфайлы на Вікісховішчы

Тамбо́ўская во́бласць (руск.: Тамбовская область) — суб’ект Расійскай Федэрацыі, які размешчаны ў цэнтры еўрапейскай часткі краіны. Адміністрацыйны цэнтр — Тамбоў. Створана 27 верасня 1937 года.

Геаграфія

Тамбоўская вобласць знаходзіцца ў паўднёвай частцы Усходне-Еўрапейскай раўніны, у цэнтральнай частцы Окска-Данской раўніны (вышыня да 219 м). Плошча тэрыторыі — 34,5 тыс. км². У асноўным гэта нізінная раўніна з вышынёй 150 м над узроўнем мора. Рэльеф палогахвалісты, раздзелены балкамі і ярамі.

Карысныя выкапні: радовішча «Цэнтральнае» 887 млн м³ ільменіт—руціл—цырконіевых пяскоў з 4 % утрыманнем металаў і магчыма прамысловым утрыманнем золата каля сяла Нікольскае Расказаўскага раёна Фасфарыты, будаўнічыя матэрыялы, мінеральныя фарбы, торф. Найболей вядомыя радовішчы пяску — Тамбоўскае, Полкаўскае.

Па тэрыторыі вобласці працякае каля 1400 рэк, рэчак і ручаёў. Найболей значныя рэкі — Цна (басейн Волгі), Варона, Біцюг, Варонеж і Савала (басейн Дона). Водныя рэсурсы ўключаюць таксама парадку 900 сажалак і вадасховішчаў з агульным аб’ёмам вады 534,5 млн м³.

Тамбоўская вобласць знаходзіцца ў зоне лесастэпу. Глебы — чарназёмы тыповыя магутныя, на поўначы — шэрыя лясныя глебы. Па далінах і балках — лугава-чарназёмныя і тарфяна-балотныя. Лясы (асноўныя пароды — хвоя, дуб, клён, ліпа, ясень, бяроза, асіна) займаюць каля 1/10 тэрыторыі. Захаваліся заяц-русак, лісіца, тхор, грызуны. На тэрыторыі Тамбоўскай вобласці — Варонінскі запаведнік.

Насельніцтва

Насельніцтва вобласці — 1130,4 тыс. чал. (2006) (1144.8 — 2005). Шчыльнасць насельніцтва: 32,8 чал./км² (2006) (33,4 — 2005), удзельная вага гарадскога насельніцтва: 57,6 % (2006) (57,5 % — 2005). Насельніцтва практычна монанацыянальна: большасць рускія (96,5 %).

Год Колькасць 1959 15 449 000 1970 1 511 900 1975 1 419 000 Год Колькасць 1979 1 390 000 1987 1 309 000 1989 1 320 800 Год Колькасць 2002 1 178 400 2010 1 092 000 2016 1 050 410 Год Колькасць 2018 1 033 552 2021 994 420 2023 965 734

Вобласць падзяляецца на 23 раёны, буйнейшый гарады — Тамбоў, Мічурынск, Расказава, Маршанск.

Вядомыя асобы

• Іван Сямёнавіч Бірукоў (1918—1944) — Герой Савецкага Саюза.
• Іван Аляксеевіч Мартынаў (1923—1944) — Герой Савецкага Саюза.
• Зоя Анатолеўна Касмадзям’янская (1923—1941) — Герой Савецкага Саюза.
• Георгій Васільевіч Чычэрын (1872—1936) — расійскі палітычны і дзяржаўны дзеяч.
• Аркадзь Андрэевіч Акулінін (1909—1986) — беларускі марфолаг. Доктар біялагічных навук (1958), прафесар (1960).
• Мікалай Мікалаевіч Зацэпін (1917—2015) — беларускі вучоны ў галіне электрамагнетызму і фізікі неразбуральнага кантролю. Член-карэспандэнт Нацыянальнай акадэміі навук Беларусі (1972), доктар тэхнічных навук (1967), прафесар (1971).

Літаратура

• Сасноўскі В. М. Тамбо́ўская во́бласць // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 413. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тамбо́вская о́бласть // Т. 25. Струнино — Тихорецк. — М. : Советская энциклопедия, 1976. — С. 243—244. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Тамбо́вкая о́бласть // Энциклопедический географический словарь (руск.). — М.: РИПОЛ классик, 2011. — С. 659. — 800 с. — (Словари но­вого века). — 5 000 экз. — ISBN 978-5-386-03063-6.
• Тамбо́вкая о́бласть // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 468. — 592 с. — 210 000 экз. — ISBN 5-85270-057-6.

Спасылкі

• Афіцыйны сайт Архівавана 26 верасня 2008.