Таццяна Мікалаеўна Вараб’ёва

Таццяна Мікалаеўна Вараб’ёва
Дата нараджэння	9 кастрычніка 1946(1946-10-09) (77 гадоў)
Месца нараджэння	Ленінград, РСФСР, СССР
Грамадзянства	Беларусь
Месца працы	хімічны факультэт БДУ
Навуковая ступень	доктар хімічных навук (2000)
Навуковае званне	прафесар (2003)
Альма-матар	хімічны факультэт БДУ (1969)
Узнагароды	прэмія імя А. Н. Сеўчанкі (2006)

Таццяна Мікалаеўна Вараб’ёва (нар. 9 кастрычніка 1946, г. Ленінград, Расія) — беларускі хімік, спецыяліст у галіне фізічнай, неарганічнай хіміі, хіміі цвёрдага цела. Доктар хімічных навук (2000), прафесар (2003).

Біяграфія

Скончыла Беларускі дзяржаўны ўніверсітэт (хімічны факультэт, спецыяльнасць «Хімія», 1969; аспірантура, 1972).

Працуе ў Беларускім дзяржаўным універсітэце (з 1973, хімічны факультэт, кафедра неарганічнай хіміі, прафесар).

Навуковыя інтарэсы: хімічнае і элекрахімічнае асаджэнне металаў, сплаваў і кампазітаў з раствораў; неарганічная хімія мікрагетэрагенных і нанаструктурных тонкаплёначных і ультрадысперсных сістэм, іх структура, уласцівасці і практычны дадатак; фотахімія, фотатэхналогіі, працэсы запісу інфармацыі.

Узнагароды

Званні «Сорасаўскі дацэнт» Міжнароднай сорасаўскай праграмы адукацыі ў галіне дакладных навук (1997), «Лаўрэат прэміі імя А. Н. Сеўчанкі БДУ» (2006); сярэбраныя медалі V Маскоўскага міжнароднага салона інавацый і інвестыцый (2005) і Johnson Matthey ад Institute of Metal Finishing (Вялікабрытанія, 2008) і інш.

Літаратура

• Вараб’ёва Таццяна Мікалаеўна // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 360. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Воробьева Татьяна Николаевна // Республика Беларусь : энциклопедия : [ в 7 т.]. — Минск, 2007. — Т. 2. — С. 807.
• Воробьева Татьяна Николаевна // Прафесары і дактары навук Беларускага дзяржаўнага універсітэта, 1921—2001 : 80 год. — Мінск, 2001. — С. 50.