Таццяна Мікалаеўна Сукаватых
Таццяна Мікалаеўна Сукаватых | |
---|---|
Дата нараджэння | 18 лютага 1932 |
Месца нараджэння | |
Дата смерці | 2 снежня 2021[1] (89 гадоў) |
Грамадзянства | |
Муж | Леанід Сямёнавіч Сукаватых |
Род дзейнасці | вучоная, урач, выкладчыца ўніверсітэта |
Навуковая сфера | педыятрыя і алергалогія |
Месца працы | |
Навуковая ступень | доктар медыцынскіх навук (1975) |
Навуковае званне | |
Альма-матар |
|
Узнагароды |
Тацця́на Мікала́еўна Сукава́тых[2] (у дзявоцтве: Каровіна, нар. 18 лютага 1932, Курск, РСФСР — 2 снежня 2021[3]) — беларускі вучоны ў галіне педыятрыі і алергалогіі. Доктар медыцынскіх навук (1975), прафесар (1976).
Біяграфія[правіць | правіць зыходнік]
Скончыла Курскі медыцынскі інстытут у 1955 годзе. Працавала ў Ленінградскім педыятрычным медыцынскім інстытуце[3]. У 1963 годзе скончыла аспірантуру і абараніла дысертацыю на званне кандыдата медыцынскіх навук[3]. У 1963—1998 гадах у Беларускай медыцынскай акадэміі паслядыпломнай адукацыі (у 1974—1996 гадах — загадчыца кафедры). У 1975 годзе абараніла доктарскую дысертацыю ў Інстытуце педыятрыі Акадэміі медыцынскіх навук СССР у Маскве[3]. У 1996 гадзе прайшла стажыроўку ў Англіі ў Нацыянальным цэнтры навучання па пытаннях адукацыйнай работы з пацыентамі з бранхіяльнай астмай[3]. З 1998 года была галоўным дзіцячым алерголагам камітэта аховы здароўя Мінска[4].
Муж: Леанід Сямёнавіч Сукаватых (1930—1976) — вучоны ў галіне анкалогіі, радыялогіі і хірургіі.
Навуковая дзейнасць[правіць | правіць зыходнік]
Аўтар больш за 200 навуковых прац. Навуковыя працы па бранхіяльнай астме, алергалогіі дзіцячага ўзросту, у тым ліку манаграфіі, навучальнага дапаможніка. Заснавальнік навукова-практычнай школы дзіцячых алерголагаў Беларусі У 1972 годзе па ініцыятыве і пры непасрэдным удзеле Т. М. Сукаватых у Мінску быў арганізаваны першы ў Беларускай ССР дзіцячы алергалагічны кабінет, а ў далейшым адкрыты першы ў краіне Рэспубліканскі дзіцячы алергалагічны цэнтр на базе алергалагічнага аддзялення 4-й гарадской дзіцячай клінічнай бальніцы[3]. Прымала ўдзел у міжнародных кангрэсах, сімпозіумах і іншых буйных навуковых форумах (Масква, Санкт-Пецярбург, Берлін, Будапешт, Мадрыд, Манпелье і інш.)[3].
Сярод апубликаваных прац:
- Распространённость, особенности течения и организация этапного лечения бронхиальной астмы у детей в Белорусской ССР : Автореферат дис. на соискание ученой степени доктора медицинских наук. (14.0009) / АМН СССР. Ин-т педиатрии. — Москва : [б. и.], 1975. — 37 с.;
- Реабилитация детей с аллергическими заболеваниями: Практ. руководство / Т. Н. Суковатых, В. Ф. Жерносек — Мн.: Наука и техника, 1993. — 197, [1] с. — Библиогр.: с. 166—176. — ISBN 5-343-01016-4;
- Аллергические болезни // Справочник семейного врача: Педиатрия — Мн., 1997;
- Бронхиальная астма у детей: новые подходы — Медицина — 1997, № 3 (18).
Узнагароды[правіць | правіць зыходнік]
Узнагароджана Ганаровай граматай Вярхоўнага Савета БССР, граматамі Міністэрства аховы здароўя Рэспублікі Беларусь і Беларускай медыцынскай акадэміі паслядыпломнай адукацыі, нагрудным знакам «Выдатнік аховы здароўя Рэспублікі Беларусь».
За лепшы даклад на міжнародным кангрэсе на востраве Тэнерыфэ ў 1999 годзе Таццяна Мікалаеўна Сукаватых была ўдастоена спецыяльнай прэміі[3].
Зноскі
- ↑ а б Здравоохранение — Министерство здравоохранения Республики Беларусь. — ISSN 1027-7218
- ↑ БелЭн 2002.
- ↑ а б в г д е ё ж Здравоохранение, № 9, (сентябрь) 2022. (руск.)
- ↑ Суковатых Татьяна Николаевна (руск.) // Сайт БелМАПА
Літаратура[правіць | правіць зыходнік]
- Сукаватых Таццяна Мікалаеўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 258. — 10 000 экз. — ISBN 985-11-0035-8. — ISBN 985-11-0251-2 (т. 15).
- Татьяна Николаевна Суковатых (к 80-летию со дня рождения) // Здравоохранение — 2012. — № 3. — С. 74. (руск.)
Спасылкі[правіць | правіць зыходнік]
- Вклад профессора Т. Н. Суковатых в развитие детской аллергологической службы Республики Беларусь // Здравоохранение, № 9, (сентябрь) 2022. (руск.)
- Суковатых Татьяна Николаевна (руск.) // Сайт БелМАПА
- Горбач А. Свидетели истории. Врач и учёный о войне, репрессиях и маме — «уникальном человеке» Архівавана 12 красавіка 2020. (руск.) // TUT.BY
- База патентов Беларуси (руск.)
- Банк патентов РФ на изобретения и промышленные образцы ФИПС Роспатента (руск.)
- Нарадзіліся 18 лютага
- Нарадзіліся ў 1932 годзе
- Нарадзіліся ў Курску
- Памерлі 2 снежня
- Памерлі ў 2021 годзе
- Выкладчыкі Беларускай медыцынскай акадэміі паслядыпломнай адукацыі
- Выкладчыкі Санкт-Пецярбургскага педыятрычнага медыцынскага ўніверсітэта
- Дактары медыцынскіх навук
- Прафесары
- Выпускнікі Курскага дзяржаўнага медыцынскага ўніверсітэта
- Узнагароджаныя Ганаровай граматай Прэзідыума Вярхоўнага Савета БССР
- Выдатнікі аховы здароўя Беларусі
- Асобы
- Вучоныя паводле алфавіта
- Педыятры СССР
- Педыятры Беларусі
- Алергалогія