З 2020 года пачаў выступаць за дубль «Віцебска», а неўзабаве стаў зрэдку прыцягвацца і да асноўнай каманды. Дэбютаваў за «Віцебск» 23 чэрвеня 2021 года ў матчы Кубка Беларусі супраць «Смалявічаў» (3:1), калі выйшаў на замену ў другім тайме. 8 ліпеня 2022 года ўпершыню згуляў у Вышэйшай лізе, выйшаўшы на замену ў другім тайме матча з «Іслаччу» (0:2). У далейшым працягваў з’яўляцца ў асноўнай камандзе, часам выходзячы на замену.