Фонд імя Льва Сапегі
Фонд імя Льва Сапегі | |
---|---|
Год заснавання | 31 мая 1999 |
Ключавыя фігуры | Міраслаў Кобаса |
Вэб-сайт | sapieha.org |
Фонд імя Льва Сапе́гі — беларускае асветніцкае, грамадскае, некамерцыйнае аб’яднанне.
Гісторыя і дзейнасць[правіць | правіць зыходнік]
Фонд імя Льва Сапегі быў утвораны 26 чэрвеня 1992 года па ініцыятыве дэпутатаў мясцовых Саветаў з Мінска, Віцебска, Гомеля, Брэста, Магілёва, Гродна і іншых гарадоў Беларусі.
31 мая 1999 года арганізацыя была перарэгістравана ў Міністэрстве юстыцыі[1]. Арганізацыя аб’ядноўвае юрыстаў, эканамістаў, сацыёлагаў, выкладчыкаў, дэпутатаў мясцовых Саветаў, прадстаўнікоў культуры, прэсы і бізнесу. Аб’яднанне носіць імя канцлера Вялікага Княства Літоўскага Льва Сапегі (1557—1633). Час яго жыцця — гэта дзесяцігоддзі максімальнага росквіту Вялікага Княства Літоўскага — «залаты век» сярэднявечнай Беларусі, якому ў вялікай ступені спрыяў сваёй дзейнасцю Сапега[2]. Старшынём арганізацыі з’яўляецца Міраслаў Кобаса[3].
Місія[правіць | правіць зыходнік]
Спрыянне працэсам паслядоўнага ўстанаўлення і развіцця дэмакратычных рэформаў у Рэспубліцы Беларусь у галіне мясцовага самакіравання, павышэння прававой культуры і абароны правоў грамадзянаў, развіцьця рынкавай эканомікі.
Мэты[правіць | правіць зыходнік]
- Падрыхтоўка і правядзенне рэформы мясцовага самакіравання.
- Станаўленне і развіццё NGО на рэгіянальным узроўні.
- Абарона правоў і свабодаў чалавека ў лакальнай супольнасці.
- Развіццё і падтрымка грамадзянскіх ініцыятываў.[4]
Структура[правіць | правіць зыходнік]
Структура АГА «Фонд ім. Льва Сапегі»:
- Праўленне
- Рэвізійная камісія
- Экспертная Рада
- Рэгіянальныя прадстаўнікі ва ўсіх абласных цэнтрах Рэспублікі Беларусь (без права юрыдычнай асобы)
Дзейнасць[правіць | правіць зыходнік]
Пры непасрэднай падтрымцы АГА «Фонд ім. Льва Сапегі» створана больш за 50 NGO, падтрымліваюцца грамадзянскія ініцыятывы на лакальным узроўні (устанаўленне помніка Льву Сапегу ў горадзе Слоніме, экалагічны рух, моладзевыя праблемы і інш.).
Зноскі
- ↑ Асьветніцкае грамадскае аб’яднаньне «Фонд імя Льва Сапегі» Архівавана 23 лютага 2015.
- ↑ Чаму мы так завемся? Архівавана 23 лютага 2015.
- ↑ http://www.ngo.by/database/ngo/view/575/ Архівавана 11 сакавіка 2016.
- ↑ Асноўныя мэты арганізацыі Архівавана 23 лютага 2015.
Спасылкі[правіць | правіць зыходнік]
- Афіцыйная старонка Архівавана 20 мая 2015.