Фёдар Міхайлавіч Сінічкін
Фёдар Міхайлавіч Сінічкін | |
---|---|
руск.: Фёдор Михайлович Синичкин | |
Дата нараджэння | 27 снежня 1901 |
Месца нараджэння | |
Дата смерці | 17 ліпеня 1962 (60 гадоў) |
Месца смерці | |
Месца пахавання | |
Грамадзянства | |
Прыналежнасць | СССР |
Род войскаў | танкавыя войскі і партызанскі рух[d] |
Званне | капітан |
Камандаваў | Ленінская партызанская брыгада і Партызанская брыгада імя С. М. Кірава (Ф. М. Сінічкін, С. П. Васільеў) |
Бітвы/войны | |
Узнагароды і званні |
Фёдар Міхайлавіч Сіні́чкін (руск.: Фёдор Михайлович Синичкин; 27 снежня 1901, Самарская губерня — 17 ліпеня 1962, Слонім) — удзельнік грамадзянскай і савецка-фінляндскай войнаў, адзін з арганізатараў і кіраўнікоў партызанскага руху на тэрыторыі Баранавіцкай вобласці БССР у гады Вялікай Айчыннай вайны. Герой Савецкага Саюза (1944).
Біяграфія[правіць | правіць зыходнік]
Ф. М. Сінічкін нарадзіўся ў сяле Гаўрылаўка (зараз у Самарскай вобласці Расіі). Скончыў 6 класаў школы. У Чырвонай Арміі з 1919 года. У час грамадзянскай вайны ўдзельнічаў у баях супраць войскаў генерала Юдзеніча ў раёне Петраграда. У 1926 годзе ўступіў у ВКП(б). У 1920—1930-х гадах праходзіў службу ў розных частках. Скончыў Ленінградскую пяхотную школу ў 1928 годзе, курсы ўдасканалення каманднага саставу ў 1935 годзе. Быў узнагароджаны медалём «20 гадоў РСЧА».
У час савецка-фінляндскай вайны Ф. М. Сінічкін камандаваў аўтамабільнай ротай у складзе танкавай брыгады . Вызначыўся ў баявых дзеяннях на Карэйскім перашыйку і быў узнагароджаны ордэнам Чырвонай Зоркі. Падчас Вялікай Айчыннай вайны ўдзельнічаў у баявых дзеяннях з чэрвеня 1941 года ў раёне горада Беласток, трапіў у акружэнне. У жніўні 1941 года Ф. Сінічкін у Налібоцкай пушчы стварыў партызанскую групу. Са снежня 1942 года па май 1943 года і са снежня 1943 па чэрвень 1944 года камандаваў партызанскай брыгадай імя Леніна (Ленінская), у чэрвені—кастрычніку 1943 года партызанскай брыгадай імя С. М. Кірава на тэрыторыі Баранавіцкай вобласці.
З 1945 года капітан Ф. М. Сінічкін у запасе. Жыў і працаваў на дзяржаўных пасадах у горадзе Слонім Гродзенскай вобласці БССР. Памёр 17 ліпеня 1962 года. Пахаваны на Ружанскіх могілках у Слоніме. У 1970 годзе на магіле пастаўлена стэла[1].
Узнагароды[правіць | правіць зыходнік]
- Медаль «Залатая Зорка»
- 2 ордэны Леніна
- Ордэн Чырвонай Зоркі
- Медаль «Партызану Айчыннай вайны» I ступені
- Юбілейны медаль «XX гадоў Рабоча-Сялянскай Чырвонай Арміі»
Памяць[правіць | правіць зыходнік]
- Імем Ф. М. Сінічкіна названыя вуліца і завулак у Слоніме.
- Мемарыяльная дошка на вуліцы Сінічкіна ў Слоніме.
- Да 60-годдзя вызвалення Беларусі былі выпушчаны паштовы канверты з партрэтамі Герояў Савецкага Саюза. У ліку іншых канверт з партрэтам Ф. М. Сінічкіна[2].
Зноскі
- ↑ 1238. Магіла Сінічкіна Фёдара Міхайлавіча // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл.
- ↑ Хроника Победы(недаступная спасылка) (руск.) // Праект БЕЛТА
Літаратура[правіць | правіць зыходнік]
- Сінічкін Фёдар Міхайлавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 401. — 10 000 экз. — ISBN 985-11-0035-8. — ISBN 985-11-0238-5 (т. 14).
- Высшее партизанское командование Белоруссии. 1941—1944: справочник (руск.) / Э. Г. Иоффе [и др.]; под общ. ред. д-ра ист. наук проф. Э. Г. Иоффе. — Мн.: Беларусь, 2009. — С. 75—76. — 271 с. — 1 500 экз. — ISBN 978-985-01-0836-4.
Спасылкі[правіць | правіць зыходнік]
- Синичкин Фёдор Михайлович (руск.) // Праект «Партизаны Беларуси»
- Iмёны вайны: Фёдар Міхайлавіч Сінічкін // Інфармацыйны партал Дзятлаўскага раёна Архівавана 4 жніўня 2014.
- Фёдор Синичкин // БЕЛТА — Новости Беларуси (руск.)
- Герой Советского Союза Фёдор Михайлович Синичкин (руск.) // Беларускі дзяржаўны музей гісторыі Вялікай Айчыннай вайны
- Красюк Ф. Ф. Партызанскі рух // Вуліцамі старога горада Архівавана 24 чэрвеня 2016.
- Нарадзіліся 27 снежня
- Нарадзіліся ў 1901 годзе
- Нарадзіліся ў Самарскай губерні
- Памерлі 17 ліпеня
- Памерлі ў 1962 годзе
- Памерлі ў Слоніме
- Пахаваныя на Ружанскіх могілках (Слонім)
- Героі Савецкага Саюза
- Кавалеры ордэна Леніна
- Кавалеры ордэна Чырвонай Зоркі
- Узнагароджаныя медалём «За перамогу над Германіяй у Вялікай Айчыннай вайне 1941—1945 гг.»
- Узнагароджаныя медалём «XX гадоў Рабоча-Сялянскай Чырвонай Арміі»
- Асобы
- Нарадзіліся ў Самарскай вобласці
- Удзельнікі Грамадзянскай вайны ў Расіі
- Удзельнікі савецка-фінскай вайны
- Партызаны Вялікай Айчыннай вайны
- Камандзіры партызанскіх злучэнняў, брыгад і атрадаў у гады Вялікай Айчыннай вайны
- Капітаны СССР