Юрый Аляксандравіч Чыж

Юрый Аляксандравіч Чыж
Юрый Аляксандравіч Чыж
Дата нараджэння:	28 сакавіка 1963 (61 год)
Месца нараджэння:	Сабалі, Сігневіцкі сельсавет, Бярозаўскі раён, Брэсцкая вобласць, БССР, СССР;
Грамадзянства:	Рэспубліка Беларусь
Адукацыя	БНТУ;
Кампанія	ТАА «Трайпл»
Пасада	генеральны дырэктар; уладальнік
Узнагароды і прэміі	Ганаровая грамата Савета Міністраў Рэспублікі Беларусь (15 верасня 2012)

Юрый Аляксандравіч Чыж (нар. 1963, в. Сабалі, Бярозаўскі раён) — беларускі прадпрымальнік.

Біяграфія[правіць | правіць зыходнік]

Выхадзец са шматдзетнай баптысцкай сям’і^[1]. Скончыў Політэхнічны інстытут. Працаваў на Мінскім трактарным заводзе, за 7 гадоў працы дайшоў да пасады кіраўніка энергаслужбы корпуса. Пасля 1991 года заснаваў прадпрыемства «Трайпл». За 20 гадоў невялікае прадпрыемства вырасла ў шматпрофільную групу кампаній.

Прадпрымальніка Юрыя Чыжа часта бачаць у кампаніі кіраўніка Беларусі Аляксандра Лукашэнкі, ён, паводле чутак, яго сябра. Часта, гэтым тлумачаць атрыманне «Трайплам» выгодных кантрактаў і доступу ў пэўныя сферы бізнесу (напр. нафтаперапрацоўку). Юрый Чыж — старшыня Беларускай федэрацыі барацьбы^[ru] (2008—2016) і прэзідэнт футбольнага клуба «Дынама Мінск» (1999—2019)^[2], таксама ўваходзіў у склад цэнтральнай рады Прэзідэнцкага спартыўнага клуба.

У снежні 2021 года BYPOL выпусціў расследаванне аб дарагіх аўтамабілях, якія дарылі Аляксандру Лукашэнку. Па дадзеных аўтараў расследавання, Юрый Чыж падарыў яму Rolls-Royce Phantom Coupé^[en] 2008 года выпуску, які каштуе паўмільёна долараў ЗША, і Пантэру Калісту^[en] 1988 года выпуску^[3]. У кастрычніку 2022 года Беларускі расследавальніцкі цэнтр заявіў, што Юрый Чыж і яго літоўскі бізнес-партнёр Вітольд Тамашэўскі ў 2011—2012 гадах перапрадавалі расійскую нафту пад выглядам растваральнікаў^[4].

Але затым на працягу некалькіх гадоў яго бізнес-імперыя разгромлена, а сам Юрый Чыж трапіў пад крымінальны пераслед. У 2016 яго затрымлівалі па падазрэнні ва ўхіленні ад сплаты падаткаў і збораў у асабліва буйным памеры, пасля арыштоўвалі ў сакавіку 2021 года^[5]. У лютым 2023 года Чыжа прыгаварылі да трох з паловай гадоў пазбаўлення волі, але вызвалілі ад адбывання тэрміну з-за амністыі і часу, праведзенага ім пад вартай у 2016 і 2021—2022 гадах^[6].

Структура актываў[правіць | правіць зыходнік]

ТАА «Трайпл» — асноўная кіруючая кампанія: Юрый Чыж — яе заснавальнік і генеральны дырэктар.

Паліўна-энергетычны комплекс[правіць | правіць зыходнік]

СЗАТ «Трайплэнерга»
ТДА «Белнафтагаз»
СТАА «Нафтахімтрэйдынг»
СП ТАА «Неанафта».

Будаўнічыя матэрыялы[правіць | правіць зыходнік]

СТАА «Варыянт»
СП ТАА «Трайпл-Тэхна»
СТАА «Трайпл-Дэкор»
СЗАТ «Кварцмелпром»
ААТ «Бярозаўскі камбінат сілікатных вырабаў».

Рытэйл (рознічны гандаль)[правіць | правіць зыходнік]

СЗАТ «Альтэрсалюшнс» — інвестыцыйная дзейнасць у нерухомасць, у т.л. у будаўніцтва гіпермаркетаў «Прастор»
49 % СЗАТ «Простамаркет».
Сетка крамаў адзежы Tom Tailor
бутык Corneliani.

Харчовая прамысловасць[правіць | правіць зыходнік]

СП ТАА «Акватрайпл» — безалкагольныя напоі

Рэстараны[правіць | правіць зыходнік]

Рэстаран «La Crete d Or» («Золотой гребешок») — рэстаран французскай кухні
ТАА «Ракаўскі бровар» — сетка філіялаў рэстарана
- клуб-рэстаран «Овертайм»
- з 2007 рэстаран «У Францыска»
Рэстаран «Гасціны двор».
«Салодкі фальварак» — дзве кавярні ў Мінску
«Бухара» — рэстаран узбекскай кухні
рэстаран «Гасцінны маёнтак» у САК «Лагойск»

Турызм[правіць | правіць зыходнік]

ГСАК «Лагойск» — спартыўна-аздараўляльны комплекс для турыстаў

Спорт[правіць | правіць зыходнік]

27,5 % футбольна-спартыўны комплекс ТАА «Манеж».
ЗАТ ФК «Дынама-Мінск»
- філіял Лядовы палац (Бярозаўскі р-н).

Іншыя праекты[правіць | правіць зыходнік]

ЗАТ «Аскаргатэрмінал» — мытныя і складскія паслугі ў Нацыянальным аэрапорце «Мінск»
ТАА «Трайплметалтрэйд» — гуртавы гандаль металапракатам
СЗАТ «Трайплфарм» — фармацэўтычны завод (на стадыі стварэння)
18% акцый «КузбасБелАўто»^[7].

Санкцыі ЕС[правіць | правіць зыходнік]

23 сакавіка 2012 года прадпрымальнік быў уключаны ў спіс беларускіх чыноўнікаў, якім забаронены ўезд на тэрыторыю ЕС, як адзін з кашалькоў рэжыму Лукашэнкі, таксама пад еўрапейскія санкцыі трапілі і яго кампаніі^[8]. 6 лістапада 2015 года санкцыі супраць Чыжа і яго актываў былі знятыя^[9].

Зноскі

↑ 100 уплывовых беларусаў (нявызн.)(недаступная спасылка). Архівавана з першакрыніцы 5 сакавіка 2016. Праверана 9 лістапада 2015.
↑ Хто такі Юры Чыж
↑ Аўтапарк на $6 млн: названы ТОП-10 "хабарадавальнікаў Лукашэнкі" (нявызн.). Еўрапейскае радыё для Беларусі (3 снежня 2021). Праверана 4 мая 2024.
↑ Як Чыж і яго таемны літоўскі партнёр зарабілі мільярды на хітрай нафтавай схеме (нявызн.). Наша Ніва (31 кастрычніка 2022).
↑ Крыніцы: Юрыя Чыжа выпусцілі пад хатні арышт (нявызн.). Наша Ніва (29 чэрвеня 2021).
↑ Юрыю Чыжу далі тры з паловай гады пазбаўлення волі. Але не пасадзілі (нявызн.). Наша Ніва (13 лютага 2023).
↑ Заяц, А. Юрый Чыж вядзе сумесны бізнес з Дзмітрыем Лукашэнкам / Аляксандр Заяц // Наша Ніва. — 2013. — № 34 (823). — 11 верасня. — С. 5.
↑ ЕС обнародовал черный список из 12 человек и 29 компаний (руск.)(недаступная спасылка). TUT.BY (25 сакавіка 2012). Архівавана з першакрыніцы 25 сакавіка 2012. Праверана 25 сакавіка 2012.
↑ Санкцыі ЕС у дачыненні да Юрыя Чыжа і яго актываў знятыя (нявызн.). Наша Ніва (6 кастрычніка 2015).

Спасылкі[правіць | правіць зыходнік]

[100б-1] 100 уплывовых беларусаў (нявызн.)(недаступная спасылка). Архівавана з першакрыніцы 5 сакавіка 2016. Праверана 9 лістапада 2015.

[2] Хто такі Юры Чыж

[3] Аўтапарк на $6 млн: названы ТОП-10 "хабарадавальнікаў Лукашэнкі" (нявызн.). Еўрапейскае радыё для Беларусі (3 снежня 2021). Праверана 4 мая 2024.

[4] Як Чыж і яго таемны літоўскі партнёр зарабілі мільярды на хітрай нафтавай схеме (нявызн.). Наша Ніва (31 кастрычніка 2022).

[5] Крыніцы: Юрыя Чыжа выпусцілі пад хатні арышт (нявызн.). Наша Ніва (29 чэрвеня 2021).

[6] Юрыю Чыжу далі тры з паловай гады пазбаўлення волі. Але не пасадзілі (нявызн.). Наша Ніва (13 лютага 2023).

[7] Заяц, А. Юрый Чыж вядзе сумесны бізнес з Дзмітрыем Лукашэнкам / Аляксандр Заяц // Наша Ніва. — 2013. — № 34 (823). — 11 верасня. — С. 5.

[8] ЕС обнародовал черный список из 12 человек и 29 компаний (руск.)(недаступная спасылка). TUT.BY (25 сакавіка 2012). Архівавана з першакрыніцы 25 сакавіка 2012. Праверана 25 сакавіка 2012.

[9] Санкцыі ЕС у дачыненні да Юрыя Чыжа і яго актываў знятыя (нявызн.). Наша Ніва (6 кастрычніка 2015).

[1]

[2]

[3]

[4]

[5]

[6]

[7]

[8]

[9]