Юры Яаксан

Юры Яаксан
дзяржаўны старэйшына Эстоніі 16 снежня 1924 — 15 снежня 1925
Папярэднік	Фрыдрых Акель
Пераемнік	Яан Тээмант
Нараджэнне	16 студзеня 1870(1870-01-16) Saarepeedi Rural Municipality[d], Ліфляндская губерня, Расійская імперыя
Смерць	20 красавіка 1942(1942-04-20) (72 гады) Свярдлоўская вобласць, РСФСР, СССР
Партыя	Сацыял-дэмакратычная партыя Эстоніі
Адукацыя	Імператарскі Дэрпцкі ўніверсітэт Гімназія Хуга Трэфнера[d]
Дзейнасць	палітык, кіраўнік, адвакат
Узнагароды
Медыяфайлы на Вікісховішчы

Юры Яаксан (эст.: Juri Jaakson; 16 студзеня 1870, воласць Ууэ-Выйду — 20 красавіка 1942, Сосьва, Свярдлоўская вобласць) — эстонскі дзяржаўны дзеяч.

Адукацыя

Скончыў прыватную гімназію Трэфнера, юрыдычны факультэт Юр’еўскага (Тартускага) універсітэта (1896).

Адвакат

У 1897—1901 гадах — памочнік прысяжнага паверанага ў Вільяндзі, у 1901—1902 — у Рызе. У 1902—1914 — прысяжны павераны ў Рызе. У 1898—1901 гадах — старшыня сялянскага таварыства ў Вільяндзі. Быў старшынёй эстонскага грамадства «Іманта» ў Рызе, узначальваў эстонскае грамадства адукацыі і дапамогі ў Рызе. У 1904—1920 — член і старшыня апякунскага савета эстонскай гімназіі імператара Аляксандра (заснаванай па ініцыятыве эстонскай грамадскасці). У 1915—1919 — член рады Tallinna Linnapank (Талінскага гарадскога банка). У 1915—1919 — старшыня цэнтральнага таварыства сялян Паўночнай Эстоніі, старшыня савета Талінскага эканамічнага звязу.

Дзяржаўны дзеяч

У 1917 годзе, пасля Лютаўскай рэвалюцыі, быў прызначаны памочнікам камісара Эстляндскай губерні. У 1917—1918 — член і памагаты старшыні Эстонскага земскага савета. У 1918 — генеральны ўпаўнаважаны Часовага ўрада Эстоніі па адносінах з германскімі акупацыйнымі ўладамі. У 1918—1920 — міністр юстыцыі. З 16 снежня 1924 да 15 снежня 1925 — дзяржаўны старэйшына (кіраўнік дзяржавы). У 1926—1940 — прэзідэнт Банка Эстоніі. У 1929—1936 прадстаўляў Эстонію ў фінансавым камітэце Лігі Нацый у Жэневе. У 1935—1938 — член Нацыянальнага эканамічнага савета.

Член Устаноўчага сходу і Рыйгікогу (парламента) першага — чацвёртага і шостага скліканняў. Узнагароджаны Крыжам Волі трэцяга разраду першай ступені — за грамадзянскія заслугі.

Гібель

Арыштаваны органамі НКУС і расстраляны ў лагеры.

Бібліяграфія

• Эстонский биографический словарь. — Таллин, 2002.

Спасылкі

• Біяграфія Архівавана 28 верасня 2007.
• Біяграфія Архівавана 27 верасня 2007.