Яўген Уласавіч Бароўскі
Яўген Уласавіч Бароўскі | |
---|---|
Дата нараджэння | 14 студзеня 1925 |
Месца нараджэння | |
Дата смерці | 15 чэрвеня 2019 (94 гады) |
Месца смерці | |
Грамадзянства | |
Род дзейнасці | урач, стаматолаг, навуковец, выкладчык універсітэта |
Навуковая сфера | медыцына |
Месца працы | |
Навуковая ступень | доктар медыцынскіх навук |
Навуковае званне |
|
Альма-матар | |
Вядомыя вучні | Пётр Андрэевіч Леус |
Узнагароды |
Яўген Уласавіч Бароўскі (1925—2019) — савецкі вучоны-медык, доктар медыцынскіх навук, прафесар.
Аўтар многіх навуковых работ, уключаючы падручнікі і манаграфіі.
Біяграфія[правіць | правіць зыходнік]
Нарадзіўся 14 студзеня 1925 года ў Мінскай вобласць Беларускай ССР.
У 1941 годзе скончыў дзевяць класаў школы. У чэрвені гэтага ж года быў прызваны на службу ў РСЧА і стаў удзельнікам Вялікай Айчыннай вайны. Спачатку быў накіраваны ў 3-ю спецыяльную артшколу, пасля заканчэння якой працягнуў навучанне ў 1-м Кіеўскім Чырванасцяжным артылерыйскім вучылішчы, у той час перадыслакаваным у Краснаярск. У сакавіку 1943 года скончыў вучылішча, атрымаў званне лейтэнанта і служыў камандзірам агнявога ўзвода 7-й гвардзейскай механізаванай брыгады 3-га гвардзейскага Сталінградскага корпуса. Пасля двух раненняў і доўгага лячэння ў шпіталях, у снежні 1945 года быў дэмабілізаваны з арміі.
У 1946 годзе паступіў у Маскоўскі стаматалагічны інстытут (цяпер Маскоўскі дзяржаўны медыка-стаматалагічны ўніверсітэт), які скончыў у 1950 годзе. У гэтым жа годзе паступіў у інстытуцкую аспірантуру. У сакавіку 1954 года Яўген Бароўскі абараніў кандыдацкую дысертацыю на тэму «Абмен фосфару і кальцыю ў цвёрдых тканках зуба пры эксперыментальным авітамінозе B₁»[1], а ў 1967 годзе абараніў доктарскую дысертацыю, прысвечаную вывучэнню біялогіі цвёрдых тканак зубоў.
З 1953 года працаваў у 1-м Маскоўскім медыцынскім інстытуце (цяпер Першы Маскоўскі дзяржаўны медыцынскі універсітэт імя І. М. Сечанава): з 1957 года — дацэнт кафедры тэрапеўтычнай стаматалогіі, з 1968 года — загадчык кафедры тэрапеўтычнай стаматалогіі, з 2003 года-прафесар кафедры тэрапеўтычнай стаматалогіі. З 1960 па 1972 год з’яўляўся намеснікам дэкана, потым — дэканам стаматалагічнага факультэта.
У 1971 годзе Я. У. Бароўскі быў абраны старшынёй Усерасійскага навуковага таварыства стаматолагаў. У 1992 годзе, калі на базе Усерасійскага навуковага таварыства стаматолагаў была створана Стаматалагічная Асацыяцыя Расіі (СтАР), стаў першым яе прэзідэнтам і ўзначальваў гэтую арганізацыю да 1996 года. З 1980 па 1992 год быў галоўным стаматолагам 4-га Галоўнага ўпраўлення Міністэрства аховы здароўя СССР[2]. Таксама Яўген Уласавіч быў галоўным рэдактарам часопіса «Клінічная стаматалогія», членам рэдакцыйнай калегіі часопіса «Стаматалогія» і ўваходзіў у склад рэдакцыйнага савета часопіса «Стаматалогія для ўсіх».
Памёр 15 чэрвеня 2019 года ў Маскве.
Узнагароды[правіць | правіць зыходнік]
Быў узнагароджаны ордэнамі Чырвонай Зоркі, Айчыннай вайны I ступені, Кастрычніцкай рэвалюцыі і «Знак Пашаны»[3], а таксама шматлікімі медалямі, сярод якіх «За перамогу над Германіяй у Вялікай Айчыннай вайне 1941—1945 гг.» і « Ветэран працы».
Зноскі
- ↑ Автореферат диссертации на соискание ученой степени кандидата медицинских наук . Архівавана з першакрыніцы 27 кастрычніка 2021.
- ↑ Боровский Евгений Власович . Архівавана з першакрыніцы 27 кастрычніка 2021.
- ↑ Боровский Евгений Власович . Архівавана з першакрыніцы 27 кастрычніка 2021.
Спасылкі[правіць | правіць зыходнік]
- Нарадзіліся 14 студзеня
- Нарадзіліся ў 1925 годзе
- Нарадзіліся ў Мінскай вобласці
- Памерлі 15 чэрвеня
- Памерлі ў 2019 годзе
- Памерлі ў Маскве
- Выкладчыкі 1-га МДМУ
- Дактары медыцынскіх навук
- Прафесары
- Кавалеры ордэна Кастрычніцкай Рэвалюцыі
- Кавалеры ордэна Айчыннай вайны I ступені
- Кавалеры ордэна Чырвонай Зоркі
- Кавалеры ордэна «Знак Пашаны»
- Узнагароджаныя медалём «За перамогу над Германіяй у Вялікай Айчыннай вайне 1941—1945 гг.»
- Узнагароджаныя медалём «Ветэран працы»
- Заслужаныя дзеячы навукі РСФСР
- Асобы
- Вучоныя паводле алфавіта
- Члены КПСС
- Удзельнікі Вялікай Айчыннай вайны