Physarum leucophaeum — від слізевікоў сямейства фізаравыя (Physaraceae). Сустракаецца ў іглічных і змяшаных лясах. Жыве на мёртвай драўніне іглічных парод[1].
Спаракарпіі або кароткія плазмодыякарпіі размешчаны ў групах і маюць памер 1,5 мм вышынёй. Сцябло звычайна кароткае або пладовыя целы сядзячыя. Колер чырванавата-карычневы і зрэдку пасыпаны белай вапнай. Перыдый тонкі, перапончаты, усыпаны вапнай або часам даволі моцна вапнавы, выпуклы або плоскі ўнізе і часта крыху таўсцейшы каля асновы. Даўжыня ножкі не перавышае дыяметрспарангія. Аснова цёмная, а верхняя частка сцябла больш светлая. Гіпаталус малапрыкметны або цёмна-шэры.
Капіліцый сеткаваты, вузлы звычайна невялікія і круглыя, бываюць буйныя і вуглаватыя або разгалінаваныя. Рэдка з псеўдакалумелай. Ён слаба прымацаваны да перыдыя.
У масе споры цёмна-карычневыя. У праходным святле яны светла-бэзава-карычневыя або карычневыя, пакрытыя бародаўкамі або часам пакрытыя вялікімі групамі бародавак і маюць дыяметр ад 9 да 12 мікрон.