V з’езд беларусаў свету
Пяты з’езд беларусаў свету адбыўся 18—19 ліпеня 2009 года ў Мінску ў будынку Міжнароднага адукацыйнага цэнтра IBB.
На ўрачыстым адкрыцці з’езду з уступным словам выступіў кіраўнік МГА «ЗБС „Бацькаўшчына“» Аляксей Марачкін. Таксама быў заслуханы аўдыёзварот ад старшыні Рады БНР Івонкі Сурвіллы. Пасля выбараў рабочых органаў і зацвярджэння парадку дня з’езду, перад прысутнымі выступілі пасол Швецыі ў Рэспубліцы Беларусь Стэфан Эрыксан, міністр культуры Павел Латушка, упаўнаважаны па справах рэлігій і нацыянальнасцяў Леанід Гуляка. З дакладамі па асноўнай тэме з’езду «Нацыянальная ідэнтычнасць беларусаў у сучасным свеце: праблемы захавання і развіцця» выступілі кіраўнік МГА «ЗБС „Бацькаўшчына“» Аляксей Марачкін, гісторыкі Наталля Гардзіенка і Янка Запруднік, дырэктар Беларусага інстытута стратэгічных даследаванняў Віталь Сіліцкі. З дакладам пра праблемы беларусаў Іркуцка і аб’яднання беларусаў ў супольнасць у межах Расіі выступіў Алег Рудакоў — старшыня Іркуцкага таварыства беларускай культуры імя Я. Чэрскага.[1][2][3][4]
Кіраўніком арганізацыі абраная Алена Макоўская.
Крыніцы[правіць | правіць зыходнік]
- ↑ V з’езд беларусаў свету. Выніковы рэпартаж. ЗБС «Бацькаўшчына». Праверана 15 студзеня 2018.
- ↑ "V з'езд беларусаў свету МГА «ЗБС „Бацькаўшчына"» адбудзецца ў ліпені 2009". Belarus Digest. 30 December 2008. Архівавана з арыгінала 10 лютага 2018. Праверана 2019-01-15.
- ↑ "V з'езд беларусаў свету МГА «ЗБС „Бацькаўшчына"» адбудзецца ў ліпені 2009 г. у Мінску". Будзма беларусамі!. 2008-11-19. Архівавана з арыгінала 21 кастрычніка 2017. Праверана 2019-01-15.
- ↑ "З'езд беларусаў свету пад пагрозай зрыву". TUT.BY. 17 красавіка 2009. Архівавана з арыгінала 26 лютага 2021. Праверана 2019-01-15.